Палёўка (род раслін)

Палёўка^[1] (Myagrum) — манатыпны род кветкавых раслін сямейства Капуставыя (Brassicaceae). Адзіны прадстаўнік роду — Палёўка пранізалістая (Myagrum perfoliatum) L., Sp. Pl. 2: 640 (1753).

Палёўка
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Капустакветныя Сямейства:  Капуставыя Род:  Палёўка
Міжнародная навуковая назва
Myagrum L., 1753
Наменклатурны тып
Myagrum perfoliatum — Палёўка пранізалістая L., Sp. Pl. 2: 640 (1753)
Сістэматыка на Віківідах Выявы на Вікісховішчы ITIS   23251 NCBI   359867 EOL   583788 GRIN   t:401762 IPNI   287244-1 TPL   kew-2358951

У паняцця ёсць і іншыя значэнні, гл. Палёўка.

Батанічнае апісанне

Аднагадовая травяністая раліна вышынёй 20—60^[1] см. Сцябло прамое. Лісце чаргаванае па даўжыні сцябла, простае, суцэльнае, шызае, падоўжанае, з завостранай верхавінкай і зубчастым краем. Прыкаранёвае лісце выцягнутае ў чаранок, стрэлападобнае каля асновы. Кветкі бледна-жоўтага колеру, з шасцю^[1] тычынкамі і чатырма^[2] пялёсткамі, у гронках. Плод — стручок булавападобнай формы, даўжынёй 5—6^[1] мм.

Распаўсюджанне і экалогія

Расліна распаўсюджана пераважна ў Еўропе і ўмераных і трапічных (Індыя) абласцях Азіі. Натуралізавалася ў Паўночнай Афрыцы (Алжыр), Японіі, ЗША і Аўстраліі^[3]. Святлолюбівая расліна^[2]. Мезафіт і мезатроф^[2]. Расце на лугах, узлесках і палянах шыракалістых лясоў, на аблогах, пустках, у садах, парках і агародах, каля дарог.

Зноскі

1. Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
2. Полёвка пронзённолистная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)
3. Myagrum perfoliatum L. // Germplasm Resources Information Network (GRIN-Taxonomy) (англ.)