Паліна Міхайлаўна Васілюк

Паліна Міхайлаўна Васілюк (нар. 26 студзеня 1980, г. Кобрын) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь VIII склікання.

Паліна Міхайлаўна Васілюк
Нараджэнне	26 студзеня 1980(1980-01-26) (45 гадоў)
Член у	Беларускі саюз жанчын Белая Русь
Адукацыя	Брэсцкі дзяржаўны ўніверсітэт імя А. С. Пушкіна
Месца працы	Кобрынскі раённы выканаўчы камітэт

У Вікіпедыі ёсць артыкулы пра іншых людзей з прозвішчам Васілюк.

Біяграфія

Нарадзілася 26 студзеня 1980 года ў г. Кобрыне^[1].

Скончыла Брэсцкі дзяржаўны ўніверсітэт імя А. С. Пушкіна па спецыяльнасці «Біялогія»; Брэсцкі дзяржаўны інстытут павышэння кваліфікацыі і перападрыхтоўкі кіруючых работнікаў і спецыялістаў адукацыі па спецыяльнасці «Практычная псіхалогія»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне і ідэалогія»^[1].

Працавала лабарантам у Сярэдняй школе № 3 г. Кобрына; выконваючым абавязкі другога сакратара Кобрынскай раённай арганізацыі грамадскага аб’яднання «Беларускі рэспубліканскі саюз моладзі»; спецыялістам, намеснікам начальніка аддзела, начальнікам аддзела ідэалагічнай работы і па справах моладзі Кобрынскага раённага выканаўчага камітэта^[1].

Член Беларускай партыі «Белая Русь», грамадскага аб’яднання «Беларускі саюз жанчын»^[1].

У 2024 годзе выбраны дэпутатам Палаты прадстаўнікоў Нацыянальнага сходу Рэспублікі Беларусь VIII склікання ад Кобрынскай акругі № 12. Член Пастаяннай камісіі па правах чалавека, нацыянальных адносінах і сродках масавай інфармацыі^[1].

Узнагароды

Узнагароджана Ганаровай граматай Адміністрацыі Прэзідэнта Рэспублікі Беларусь, Граматай Кобрынскага раённага выканаўчага камітэта. Мае Падзяку Федэрацыі прафсаюзаў Беларусі^[1].

Сям'я

Мае дачку і сына^[1].

Зноскі

1. Біяграфія на сайце Палаты прадстаўнікоў Нацыянальнага сходу Рэспублікі Беларусь