Парахонск

Парахо́нск^[1] (трансліт.: Parachonsk, руск.: Парохонск) — аграгарадок у Беларусі, у Пінскім раёне Брэсцкай вобласці. Адміністрацыйны цэнтр Парахонскага сельсавета.

Аграгарадок Парахонск Краіна Беларусь Вобласць Брэсцкая Раён Пінскі Сельсавет Парахонскі Каардынаты 52°13′37″ пн. ш. 26°26′59″ у. д.HGЯO Насельніцтва ▲2 014 чал. (2019) Часавы пояс UTC+3 Тэлефонны код +375 165 Паштовыя індэксы 225732 Аўтамабільны код 1 СААТА 1254883031 Парахонск на карце Беларусі ±

Парахонск на Вікісховішчы

Геаграфія

Знаходзіцца за 31 км у напрамку на паўночны ўсход ад Пінска, за 206 км ад Брэста, за 2 км ад чыгуначнай станцыі Парахонск^[2].

Гісторыя

У XV—XVII стст. з’яўляецца ўласнасцю князёў Жыжэмскіх, спадкаемцамі якіх былі Радзівілы.

У XVIII ст. маёнтак набывае князь Францішак Юзафавіч Друцкі-Любецкі (каля 1735—1806), якому таксама належалі сядзібы ў Пагосце-Загародскім і Луніне. Пазней маёнтак належаў Гераніму Францішкавічу Друцкаму-Любецкаму (1776/9—1844), затым Эдвіну Геранімавічу Друцкаму-Любецкаму (1828—1901), пазней (да Першай сусветнай вайны) — Францішку Эдвінавічу Друцкаму-Любецкаму (1878—?).

У чэрвені 1943 г. фашысты спалілі 126 гаспадарак, забілі 9 чалавек.

Насельніцтва

• 1990 год — 2219 жыхароў, 717 двароў.
• 1999 год — 2175 жыхароў.
• 2000 год — 2219 жыхароў, 705 двароў^[2].
• 2009 год — 1852 жыхары.

Вядомыя асобы

• Генадзь Мікалаевіч Невыглас (нар. 1954) — беларускі ваенны і дзяржаўны дзеяч
• Соф’я Катажына Хамянтоўская (1902—1991) — польская фатограф-мастачка

Славутасці

• Царква Раства Багародзіцы (1888) —  Гісторыка-культурная каштоўнасць Беларусі, шыфр 112Г000578шыфр 112Г000578
• Храм пратэстанцкі.

Страчаная спадчына

Сядзіба князёў Друцкіх-Любецкіх

Вятрак. 1932

• Сядзіба Друцкіх-Любецкіх.
• Вятрак.

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11.