Перанаспароз бабовых

Перанаспароз бабовых або Несапраўдная мучністая раса бабовых^[1] — захворванне раслін сямейства бабовых (Fabaceae), якое выклікаецца Peronospora pisi, Peronospora pratensis і Peronospora fabae.

Апісанне

Пашкоджвае ўсе віды гароху, канюшыны, люцэрны, баркуну, чыны і іншых^[1].

Сімптомы

На лісці, парастках, струках у пачатку вегетацыі паяўляюцца бледныя хларатычныя плямы, на ніжнім баку лісця на гэтых плямах фарміруецца шэра-фіялетавы рыхлы налёт спораў^[1]. Пашкоджанае лісце засыхае і ападае, зерне ў струках недаразвіваецца, паніжаецца ўсходжасць насення. У шматгадовых раслін іншы раз пашкоджваецца ўся расліна — міцэлій пашыраецца дыфузна, зімуе ў каранёвай сістэме, у наступным годзе пры прарастанні пранікае ў надземныя органы^[1].