Пятровіцкае вадасховішча

Пятро́віцкае — вадасховішча ў Смалявіцкім раёне Мінскай вобласці Беларусі, за 15 км у напрамку на паўднёвы захад ад горада Смалявічы.

Пятровіцкае
Каардынаты: 53°51′31,10″ пн. ш. 27°57′13,70″ у. д.HGЯO
Размяшчэнне	Смалявіцкі раён
Даўжыня	11,5 км
Шырыня	2 км
Плошча	4,8 км²
Аб'ём	0,015 км³
Плошча вадазбору	214 км²
Упадаюць	Волма
Выцякаюць	Волма
Год напаўнення	1978
Пятровіцкае
Пятровіцкае
Медыяфайлы на Вікісховішчы

Вадасховішча створана ў 1978 годзе плацінай на рацэ Волма каля вёскі Пятровічы. Плошча паверхні 4,8 км², даўжыня 11,5 км, найбольшая шырыня 2 км. Найбольшая глыбіня 8,2 м. Аб'ём вады 15 млн м³. Ваганні ўзроўню вады 3,5 м. Плошча вадазбору 214 км².

У вадасховішчы водзяцца шчупак, лешч, акунь, язь, плотка, краснапёрка, лінь і іншыя віды рыб.

Вадасховішча выкарыстоўваецца ў мэтах арашэння, рыбагадоўлі, воднага забеспячэння і добраўпарадкавання прылеглых населеных пунктаў.

Літаратура

• Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 166. — 10 000 экз. — ISBN 985-11-0035-8. — ISBN 985-11-0216-4 (т. 13).
• Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз. — С. 324.
• Республика Беларусь. Атлас охотника и рыболова: Минская область / Редактор Г. Г. Науменко. — Мн.: РУП «Белкартография», 2009. — С. 19, 49. — 60 с. — 20 000 экз. — ISBN 978-985-508-174-7. (руск.)
• Ліст карты N-35-80. Выданне 1985 г. Стан мясцовасці на 1983 г. (руск.)

Спасылкі

• Водохранилища — Минская область — Морфометрические показатели и характерные уровни водохранилищ // Справочник «Водные объекты Республики Беларусь» Архівавана 9 кастрычніка 2020. (руск.)