Пётр Вікенцьевіч Садоўскі

У Вікіпедыі ёсць артыкулы пра іншых людзей з прозвішчам Садоўскі.

Пётр Вікенцьевіч Садоўскі, вядомы як Пётра Садоўскі (нар. 2 лютага 1941) ^[2] — беларускі мовазнавец, палітык і дыпламат. Кандыдат філалагічных навук.

Пётр Садоўскі
Надзвычайны і Паўнамоцны Пасол Рэспублікі Беларусь у Федэратыўнай Рэспубліцы Германія 3 чэрвеня 1992 — 28 кастрычніка 1994
Прэзідэнт	Аляксандр Лукашэнка
Кіраўнік урада	Вячаслаў Кебіч, Міхаіл Чыгір
Пераемнік	Пётр Бяляеў
Нараджэнне	2 лютага 1941(1941-02-02) (84 гады) Будзькаўшчына, Бабыніцкі сельсавет, Ветрынскі раён, Віцебская вобласць, Беларуская ССР, СССР
Партыя	Беларускі рух
Член у	Беларускі ПЭН Апазіцыя Беларускага народнага фронту «Адраджэньне»
Адукацыя	МінСВУ (1959) Мінскі дзяржаўны лінгвістычны ўніверсітэт
Навуковая ступень	кандыдат філалагічных навук
Дзейнасць	мовазнаўства[1], палітыка[1] і дыпламатыя[1]
Месца працы	Беларускі гуманітарны ліцэй імя Якуба Коласа Прыёрбанк
Узнагароды

Біяграфія

Нарадзіўся 2 лютага 1941^[2][3] года ў вёсцы Будзькаўшчына Полацкага раёна Віцебскай вобласці^[4].

У 1953—1959 гадах вучыўся ў Мінскім сувораўскім вучылішчы. Скончыў Мінскі дзяржаўны педагагічны інстытут замежных моў. Валодае нямецкай, англійскай, іспанскай і французскай мовамі.

Працаваў дацэнтам у ВНУ^[4]. Быў членам Прэзідыума і старшынёй камісіі ў замежных справах Вярхоўнага Савета БССР і Рэспублікі Беларусь 12-га склікання^[5]. У часы парламенцкай дзейнасці быў членам фракцыі Беларускага народнага фронту.

3 чэрвеня 1992 года прызначаны Надзвычайным і Паўнамоцным Паслом Рэспублікі Беларусь у Федэратыўнай Рэспубліцы Германія^[6]; адстаўлены быў 28 кастрычніка 1994 года^[7].

Пасля адстаўкі займаецца грамадскай і палітычнай дзейнасцю ў Беларусі. Да 2009 г. быў членам сойму Партыі БНФ^[8]. Сябра Беларускага ПЭН-цэнтра^[4].

Працаваў у аддзеле знешніх сувязяў «Прыёрбанка»^[4].

Аўтар кнігі ўспамінаў «Мой шыбалет» (2008).

Удзельнічаў у акцыях супраць інтэграцыі з Расіяй, якія адбываліся ў Мінску ў снежні 2019 года. Выканаў патрыятычнаю песню на словы Янкі Купалы «А ў бары-бары тры дарожанькі», якую ён спяваў, будучы дэпутатам Вярхоўнага Савета, на плошчы Незалежнасці 25 жніўня 1991 года. Цэнтральным судом Мінска ў рамках адміністрацыйнага працэсу быў прысуджаны да штрафу^[9].

Узнагароды

Узнагароджаны медалём 100 гадоў БНР Рады Беларускай Народнай Рэспублікі^[10].

Зноскі

Памылка Lua у Модуль:External_links на радку 45: assign to undeclared variable 'link'.

1. Národní autority České republiky Праверана 7 лістапада 2022.

   <a href='https://wikidata.org/wiki/Track:Q13550863'></a>
2. Пётра Садоўскі. Мы былі гістарычна шчаслівыя… // Arche, 12 студзеня 2009
3. паводле іншых звестак - у 1939 г.
4. Юры Дракахруст. Садоўскі Пётра // Акцэнты Свабоды (Бібліятэка Свабоды. ХХІ стагодзьдзе). — Радыё Свабодная Эўропа/Радыё Свабода, 2009. — 430 с. — ISBN 978-0-929849-28-7.
5. Пётра Садоўскі: «Была агульная атмасфера чакання вялікіх пераменаў і шчасця…» Архівавана 3 чэрвеня 2009. // Хартыя’97
6. Указ Президиума Верховного Совета Республики Беларусь от 3 июня 1992 г. № 1700-XII «О назначении Садовского П. В. Чрезвычайным и Полномочным Послом Республики Беларусь в Федеративной Республике Германия и присвоении ему дипломатического ранга Чрезвычайного и Полномочного Посла» Архівавана 1 чэрвеня 2012. (руск.)
7. Указ Президента Республики Беларусь от 28 ноября 1994 г. № 219 «Об освобождении П. В. Садовского от обязанностей Чрезвычайного и Полномочного Посла Республики Беларусь в Федеративной Республике Германии» Архівавана 27 мая 2012. (руск.)
8. Галіна Абакунчык: Сойм Партыі БНФ без Баршчэўскага і Садоўскага (нявызн.). Радыё Свабода (7 верасня 2009).
9. «У мяне не сярэдняя адукацыя, я кандыдат навук!» Як судзілі пасла Пятра Садоўскага (нявызн.). Наша Ніва.
10. Алексіевіч, Пазьняк, Вольскі, Эрыксан, Белавус. Хто яшчэ ўзнагароджаны мэдалём у гонар БНР-100 (нявызн.). Радыё Свабода.