Піхта бальзамічная

Піхта бальзамічная^[1][2], Ельніца^[3] (Abies balsamea) — від роду Піхта сямейства Хваёвыя (Pinaceae), вечназялёнае хваёвае дрэва.

Піхта бальзамічная
Агульны выгляд дарослага дрэва
Навуковая класіфікацыя
Дамен:  Эўкарыёты Царства:  Расліны Аддзел:  Хвойныя Клас:  Хвойныя Парадак:  Хвоі Сямейства:  Хваёвыя Род:  Піхта Від:  Піхта бальзамічная
Міжнародная навуковая назва
Abies balsamea (L.) Mill. (1768)
Сінонімы
Pinus balsamea L.basionym Abies balsamea f. nana (J.Nelson) Beissn. Abies balsamea f. phanerolepis (Fernald) Rehder
Даччыныя таксоны
Abies balsamea f. hudsonia (Jacques) Fernald & Weath.
Арэал
Ахоўны статус
Выклікаюць найменшыя асцярогі IUCN 2.3 Least Concern : / 42272
Сістэматыка на Віківідах Выявы на Вікісховішчы ITIS   18032 NCBI   90345 EOL   1061732 GRIN   t:635 IPNI   1084057-2 TPL   kew-2609719

Распаўсюджванне

Займае велізарныя плошчы ў Паўночнай Амерыцы, яе арэал даходзіць на ўсходзе да берагоў Атлантычнага акіяна і на захадзе датыкаецца з Ціхім акіянам. Выведзена шмат дэкаратыўных формаў. Мае важнае лесапрамысловае значэнне ў Канадзе і ЗША.

Біялагічнае апісанне

Дрэва вышынёй 15-25 метраў з правільнай конусападобнай кронай, апушчанай да самай зямлі.

Кара шэра-карычневая, гладкая.

Ігліца даўжынёй 1,5—2,5 см, тупая або злёгку выемчатая на канцы, зверху цёмна-зялёная, бліскучая, знізу з бялёсымі палоскамі. На галінах размешчана грабеньчата.

Шышкі авальна-цыліндрычныя, даўжынёй 5-10 см, дыяметрам 2-2,5 см, у пачатку развіцця цёмна-фіялетавыя.

Каранёвая сістэма павярхоўная.

Працягласць жыцця 150—200 гадоў^[4].

Выкарыстанне

У Канадзе піхта бальзамічная выкарыстоўваецца як крыніца канадскага бальзаму.

У культуры

Адносна марозаўстойлівая і ценевынослівая, дастаткова газаўстойлівая. Добра расце на вільготных алювіяльных і суглінкавых глебах, дрэнна на падзолістых і пясчаных.

Маладыя расліны растуць павольна, дарослыя хутчэй.

Адносна добра расце ў лясной зоне Расіі (на поўнач да шыраты Санкт-Пецярбурга ўключна, на ўсход да Екацярынбурга), у лесастэпавай і стэпавай дрэнна. У садах і парках Украіны маюцца дрэвы вышынёй да 15 метраў.

Рэкамендуецца для пасадак салітэрамі і невялікімі групамі.

Сарты

• 'Argentea'. Ігліца на канцах белая.
• 'Columnaris'. Крона калонападобная.
• 'Glauca' Beissn.. Форма росту, як у намінальнай формы. Верхняя частка ігліцы блакітнаватая.
• 'Nana'. Шчыльная, амаль шарападобная форма кроны. Ігліца кароткая, цёмна-зялёная
• 'Piccolo' Edwin Carstens Nursery, 1987, Германія. Вышыня каля 40 см. Галіны кароткія, шчыльна размешчаныя. Іголкі цёмна-зялёныя, пупышкі чырванавата-карычневыя. Прыгожы кантраст паміж старымі і новымі іголкамі^[5][6]. Зоны марозаўстойлівасці: 3a—8b.
• 'Little Jamie'. Карлікавы сорт. Крона шарападобная.
• 'Prostrata'. Карлікавы сорт. Галіны распасцёртыя над зямлёй.
• 'Variegata'. Ігліца жоўта-пярэстая.

Таксанамічнае становішча

яшчэ 6 сямействаў

яшчэ каля 50 відаў

парадак Хвоі

род Піхта

аддзел   Хвойныя

сямейства Хваёвыя

від Піхта бальзамічная

яшчэ тры    вымерлых    парадкі

яшчэ 10 родаў

Зноскі

1. Киселевский А. И. Латино-русско-белорусский ботанический словарь. ,. — Минск: «Наука и техника», 1967. — С. 7. — 160 с. — 2 350 экз.
2. Крылов Г. В., Марадудин И. И., Михеев Н. И., Козакова Н. Ф. Пихта. — Агропромиздат. — М., 1986. — 239 с. Архівавана 1 красавіка 2016.
3. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. Горы-Горкі, 1927
4. Колесников А.И. Декоративная дендрология. — 2-е, исправ. и доп.. — М.: Лесная промышленность, 1974. — 704 с.
5. Abies balsamea 'Piccolo' Архівавана 5 сакавіка 2016. на сайте Библиотека хвойных растений
6. Laurence Hatch. Cultivars of Woody Plants. — TCR Press, 2007. — Т. 1. — С. 1031. — ISBN 0971446504.