Раўнаногія

Раўнаногія (Isopoda) — атрад вышэйшых ракаў.

Раўнаногія
Макрыца Armadillidium vulgare
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Ракападобныя Клас:  Вышэйшыя ракі Падклас:  Eumalacostraca Надатрад:  Peracarida Атрад:  Раўнаногія
Міжнародная навуковая назва
Isopoda Latreille, 1817
Падатрады
Asellota Calabozoidea Cymothoida Limnoriidea Oniscidea — Станожкі Phoratopidea Phreatoicidea Sphaeromatidea Tainisopidea Valvifera
Сістэматыка на Віківідах Выявы на Вікісховішчы ITIS   92120 NCBI   29979 EOL   7230 FW   22794

Апісанне

Даўжыня аа 0,1 мм да 37 см (пераважна 1—5 см). Цела пляскатае, сегментаванае. 1—2 пары грудных сегментаў зрастаюцца з галавой. Грудныя ногі служаць для падачы корму да рота (1-я пара) і перамяшчэння (аднолькавыя 7 пар, — адсюль назва), брушныя часткова ператвораны ў шчэлепы.

Распаўсюджанне

Вядомы з трыясу (каля 225 млн г. назад). Каля 4500 відаў. Пашыраны паўсюдна ў марскіх і прэсных вадаёмах, некаторыя — у глебе. На Беларусі найбольш трапляюцца вадзяны вослік (Asellus aquaticus), у вільготнай глебе і лясным подсціле — макрыцы (Oniscidea).

Асаблівасці біялогіі

Кормяцца раслінамі і іх рэшткамі, дэтрытам, ёсць драпежнікі. Пераважна раздзельнаполыя. Размнажэнне палавое, у некаторых — шляхам партэнагенезу. Развіццё без ператварэння.

Біяфільтратары і біямеліяратары, удзельнічаюць у біялагічным ачышчэнні вадаёмаў, у працэсах глебаўтварэння. Некаторыя віды — прамежкавыя гаспадары скрэбеняў (Acanthocephala), ёсць паразіты рыб і іншых ракападобных. Большасць водных відаў — корм для бентасаедных рыб.

Літаратура

• Гігіняк Ю. Раўнаногія ракападобныя // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 377. — 10 000 экз. — ISBN 985-11-0035-8. — ISBN 985-11-0216-4 (т. 13).