Раўчак

Раўча́к^[1] (трансліт.: Raŭčak, руск.: Ровчак) — вёска ў Пухавіцкім раёне Мінскай вобласці. Уваходзіць у склад Пухавіцкага сельсавета. Месціцца за 10 км на ўсход ад Мар’інай Горкі, 54 км ад Мінска.

Вёска Раўчак Краіна Беларусь Вобласць Мінская Раён Пухавіцкі Сельсавет Пухавіцкі Каардынаты 53°29′09″ пн. ш. 28°14′38″ у. д.HGЯO Насельніцтва ▼12 чал. (2019) Часавы пояс UTC+3 Тэлефонны код +375 1713 Аўтамабільны код 5 Раўчак Раўчак

Назва

Назва дадзена ад наймення мясцовасці, урочышча Раўчак, дзе ўзнік населены пункт. Раўчак (раўчук) — невялікі равок, канаўка, або ручаёк^[2].

Гісторыя

У другой палове XIX стагоддзя ўрочышча ў Пухавіцкай воласці Ігуменскага павета Мінскай губерні. У 1885 годзе засценак. У 1889 годзе землеўладальнікамі ва ўрочышчы Раўчак былі праваслаўны селянін Іван Міронавіч Гулякевіч (8 дзесяцін зямлі) і праваслаўны мешчанін Уладзіслаў Вікенцевіч Календа (40 дзесяцін)^[3].

З канца лютага 1918 года тэрыторыя акупаваная войскамі Германскай імперыі. 25 сакавіка 1918 года згодна з Трэцяй Устаўной граматай абвешчана часткай Беларускай Народнай Рэспублікі. У снежні 1918 года занята Чырвонай Арміяй, з 1 студзеня 1919 года ў адпаведнасці з пастановай І з’езда КП(б) Беларусі яна ўвайшла ў склад Савецкай Беларусі, з 27 лютага 1919 года — у ЛітБел ССР. У час польска-савецкай вайны ў жніўні 1919 — ліпені 1920 гадоў пад акупацыяй Польшчы (Мінская акруга ГУУЗ).

З 31 ліпеня 1920 года ў Беларускай ССР.

У Другую сусветную вайну з канца чэрвеня 1941 года да пачатку ліпеня 1944 года пад акупацыяй Германіі.

Дзейнічала пачатковая школа^[4].

Насельніцтва

• 1897 год — 16 двароў, 81 жыхар
• 1908 год — 8 двароў, 54 жыхары
• 1917 год — 8 двароў, 55 жыхароў
• 1960 год — 70 жыхароў
• 2002 год — 12 двароў, 22 жыхары
• 2009 год — 22 жыхары
• 2019 год — 12 жыхароў^[5]

Вядомыя асобы

• Станіслаў Крэпскі (нар. 1949) — пісьменнік^[4].