Роберт Ферчгат

Роберт Фрэнсіс Ферчгат або Фурхгат^[12] (англ.: Robert Francis Furchgott, 4 чэрвеня 1916, г. Чарлстан, ЗША — 19 мая 2009, г. Сіэтл, ЗША) — амерыканскі вучоны ў галіне фармакалогіі, лаўрэат Нобелеўскай прэміі па фізіялогіі і медыцыне ў 1998 годзе разам з Л. Дж. Ігнарам і Ф. Мурадам «за адкрыццё ролі аксіду азоту як сігнальнай малекулы ў рэгуляцыі сардэчна-сасудзістай сістэмы».

Роберт Фрэнсіс Ферчгат
англ.: Robert Francis Furchgott
Дата нараджэння	4 чэрвеня 1916(1916-06-04)[1][2][…]
Месца нараджэння	Чарлстан, Чарлстан[d], Паўднёвая Караліна, ЗША[3][4][…]
Дата смерці	19 мая 2009(2009-05-19)[5][6][…] (92 гады)
Месца смерці	Сіэтл, акруга Кінг[d], Вашынгтон, ЗША[7][8][…]
Месца пахавання	Kahal Kadosh Beth Elohim Cemetery[d][9]
Грамадзянства	ЗША[10][11][…]
Род дзейнасці	біяхімік, урач, фармацэўт, выкладчык універсітэта, хімік, фармаколаг
Навуковая сфера	біялогія, біяхімія
Месца працы	Маямскі ўніверсітэт Універсітэт Вашынгтона ў Сент-Луісе
Навуковая ступень	прафесар
Альма-матар	Універсітэт Паўднёвай Караліны Універсітэт Паўночнай Караліны ў Чапел-Хіл Паўночна-Заходні ўніверсітэт Feinberg School of Medicine[d]
Член у	Нацыянальная акадэмія навук ЗША[11] Амерыканская акадэмія мастацтваў і навук
Узнагароды	Нобелеўская прэмія па фізіялогіі і медыцыне (1998)
Подпіс
Медыяфайлы на Вікісховішчы

Біяграфія

Ферчгат нарадзіўся ў Чарлстане, штат Паўднёвая Караліна, у сям'і Артура Ферчгата (снежань 1884 - студзень 1971), які быў уладальнікам універмага, і Пены (Sorentrue) Ферчгат.

Скончыў універсітэт Паўночнай Караліны ў Чэпел-Хіле ў 1937 годзе і Паўночна-Заходні ўніверсітэт у Чыкага ў 1940 годзе. З 1940 года ў Медыцынскім каледжы Корнелскага ўніверсітэта, з 1949 года ў Вашынгтонскім універсітэце. У 1956-1988 гадах у Медыцынскім цэнтры Дзяржаўнага ўніверсітэта Нью-Ёрка (г. Бруклін),^[13] з 1989 года прафесар Медыцынскай школы ўніверсітэта г. Маямі.

У 1978 годзе Ферчгат адкрыў рэчыва ў эндатэліяльных клетках, якое выклікае рэлаксацыю крывяносных сасудаў, або эндатэліяльны фактар рэлаксацыі. Да 1986 года ён вывучыў прыроду гэтага агента і механізм яго дзеяння. Ён выявіў, што адкрыты ім фактар рэлаксацыі ёсць не што іншае як аксід азоту (NO), важны кампанент фізіялогіі сардэчна-сасудзістай сістэмы. Гэта даследаванне было важным у тлумачэнні дзеяння Віягры і іншых медыцынскіх і звязаных са здароўем праблем.

Аўтар навуковых прац па механізмах уздзеяння аксіду азоту ў кардыяваскулярнай сістэме, метабалізме макраэргічных злучэнняў у гладкіх мышцах.

Распрацаваў тэорыю рэцэптарнага ўзаемадзеяння, склаў класіфікацыю адрэнарэцэптараў.

Ферчгат, які быў яўрэем,^[14] пражыў большую частку свайго жыцця ў Вудмеры (англ.: Woodmere), Нью-Ёрк (Лонг-Айлэнд). Ён быў жанаты з Ленорай Мандельбаум (люты 1915 - красавік 1983)^[15] з 1941 года да яе смерці ва ўзросце 68 гадоў. У іх было тры дачкі: Джэйн, Сьюзэн і Тэры. Яго дачка, Сьюзэн, была плённай мастачкай у контракультуры Сан-Францыска і сузаснавальніцай Kerista Commune. Роберт Ферчгат пазней пабраўся шлюбам з Маргарэт Галахер Рот, якая памерла 14 сакавіка 2006 года.^[16]

Ферчгат памёр 19 мая 2009 года^[17] ў Сіэтле.

Узнагароды

• 1998 — Нобелеўская прэмія па фізіялогіі і медыцыне
• 1996 — Прэмія Альберта Ласкера за фундаментальныя медыцынскія даследаванні
• 1991 — Міжнародная прэмія Гайрднера

Гл. таксама

• Сальвадор Манкада

Зноскі

1. Robert F. Furchgott // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
2. Robert F. Furchgott // Brockhaus Enzyklopädie Праверана 9 кастрычніка 2017.

   <a href='https://wikidata.org/wiki/Track:Q237227'></a>
3. Robert F. Furchgott dies at 92; scientist won Nobel Prize // Los Angeles Times — El Segundo: 2009. — ISSN 0458-3035; 2165-1736

   <a href='https://wikidata.org/wiki/Track:Q983859'></a><a href='https://wikidata.org/wiki/Track:Q188515'></a>
4. Nobel laureate Robert Furchgott dies in Seattle // The Seattle Times — Seattle: 2009. — ISSN 0745-9696; 2642-7192

   <a href='https://wikidata.org/wiki/Track:Q5083'></a><a href='https://wikidata.org/wiki/Track:Q221718'></a>
5. Robert Furchgott, Nobelist for Work on a Gas, Dies at 92 // The New York Times / J. Kahn — Manhattan: New York Times Company, A. G. Sulzberger, 2009. — ISSN 0362-4331; 1553-8095; 1542-667X

   <a href='https://wikidata.org/wiki/Track:Q9684'></a><a href='https://wikidata.org/wiki/Track:Q6284490'></a><a href='https://wikidata.org/wiki/Track:Q11299'></a><a href='https://wikidata.org/wiki/Track:Q24743245'></a><a href='https://wikidata.org/wiki/Track:Q2529982'></a><a href='https://wikidata.org/wiki/Track:Q54837'></a>
6. Life In Legacy - Week ending Saturday, May 23, 2009
7. Snyder S. H. Obituary: Robert Furchgott (1916-2009). // Nature / M. Skipper — NPG, Springer Science+Business Media, 2009. — Vol. 460, Iss. 7251. — P. 47. — ISSN 1476-4687; 0028-0836 — doi:10.1038/460047A

   <a href='https://wikidata.org/wiki/Track:Q180445'></a><a href='https://wikidata.org/wiki/Track:Q48314656'></a><a href='https://wikidata.org/wiki/Track:Q176916'></a><a href='https://wikidata.org/wiki/Track:Q52661223'></a><a href='https://wikidata.org/wiki/Track:Q180419'></a>
8. Ritter J. M. Endothelial progenitor cells & translational research // Br. J. Clin. Pharmacol. — Wiley-Blackwell, 2009. — Vol. 68, Iss. 4. — P. 477–479. — ISSN 0306-5251; 1365-2125 — doi:10.1111/J.1365-2125.2009.03538.X

   <a href='https://wikidata.org/wiki/Track:Q767319'></a><a href='https://wikidata.org/wiki/Track:Q176044'></a><a href='https://wikidata.org/wiki/Track:Q42653559'></a>
9. Find a Grave — 1996. Праверана 28 чэрвеня 2024.

   <a href='https://wikidata.org/wiki/Track:Q63056'></a>
10. http://www.nndb.com/org/290/000161804/
11. NNDB — 2002.

    <a href='https://wikidata.org/wiki/Track:Q1373513'></a>
12. Паводле БЭ
13. Solomon H. Snyder: Robert Furchgott (1916–2009). Nobel laureate who pioneered research into nitric oxide. Nature, Band 460, 2009, S. 47
14. American Jewish Recipients of the Nobel Prize
15. Social Security Death Index
16. http://query.nytimes.com/gst/fullpage.html?res=9800E1DB143AF934A25750C0A9609C8B63 The New York Times
17. http://www.downstate.edu