Рудня (Гіжэнскі сельсавет)

У паняцця ёсць і іншыя значэнні, гл. Рудня.

Рудня — вёска ў Гіжэнскім сельсавеце Слаўгарадскага раёна Магілёўскай вобласці.

Вёска Рудня Краіна Беларусь Вобласць Магілёўская Раён Слаўгарадскі Сельсавет Гіжэнскі Каардынаты 53°36,30′ пн. ш. 31°01,10′ у. д.HGЯO Першая згадка 1777 Колькасць двароў 9[1] Насельніцтва 16[1] чалавек (2011) Часавы пояс UTC+3 Тэлефонны код +375 2246 Паштовы індэкс 213242 Аўтамабільны код 6 Рудня на карце Беларусі ±

Геаграфія

Размешчана каля ракі Крупка ў 24 км ад Слаўгарада, у 78 км ад Магілёва, у 22 км ад чыгуначнай станцыі Верамейкі.

Гісторыя

Упершыню згадваецца ў XVIII стагоддзі. У 1777 годзе вёска ў складзе Чэрыкаўскага павета Магілёўскай губерні.

У XIX стагоддзі вядома як фальварак. З 1842 года працаваў гарбарны завод, у 1855 годзе адкрыўся другі завод.

Паводле купчай 1867 году належала Шклярэвічу. У 1909 годзе ў складзе Прапойскай воласці Быхаўскага павета. У 1910 хутар Рудня ў Доўжанскай воласці Чэрыкаўскага павета, уладанне двараніна Нянькоўскага-Вайніловіча^[2].

З 1919 года ў Гомельскай губерні РСФСР. З 1924 па 1930 год у Прапойскам раёне Магілёўскай акругі БССР, з 15 студзеня 1938 года ў Магілёўскай вобласці.

У 1931 годзе створаны калгас «Спартак».

Падчас Вялікай Айчыннай вайны з пачатку жніўня 1941 года па 3 кастрычніка 1943 года была захоплена нямецкімі войскамі. У маі 1943 года тут знаходзіўся партызанскі полк Сяргея Грышына — «Трынаццаць», таксама каля вёскі размяшчаліся партызаны асобых атрадаў № 15 і № 48.

З 1962 па 1965 год у Чавускім раёне. У 1990 годзе ў складзе калгаса «40 год Кастрычніка» з цэнтрам у вёсцы Ходараў. Працавала ферма буйной рагатай жывёлы.

Вёска пацярпела ад аварыі на Чарнобыльскай АЭС і трапіла ў зону з правам на адсяленне^[3].

Насельніцтва

• 2011 год — 16 чалавек^[1]
• 2010 год — 14 чалавек
• 1999 год — 23 чалавекі
• 1926 год — 318 чалавек^[2]

Інфраструктура

У вёсцы функцыянуе Дом сацыяльных паслуг^[4].

Зноскі

1. КОЛИЧЕСТВО НАСЕЛЕНИЯ СЛАВГОРОДСКОГО РАЙОНА Архівавана 7 снежня 2013. (руск.)
2. Памяць: Гіст.-дакум. хроніка Слаўгарадскага раёна / Рэдкал. Г. К. Кісялёў (гал. рэд.) і інш. — Мн.: БелТА, 1999. — С. 579.
3. Департамент по ликвидации последствий катастрофы на Чернобыльской АЭС министерства по чрезвычайным ситуациям Республики Беларусь Социально-радиационный паспорт // Институт Радиологии. — 2009. — С. 9.
4. Сайт раённай адміністрацыі Архівавана 27 студзеня 2014.