Рыгор Цадзікавіч Ханін

Рыгор Цадзікавіч Ханін (1 верасня 1886, Гомель — 30 жніўня 1963) — беларускі інжынер-будаўнік.

Рыгор Цадзікавіч Ханін
Дата нараджэння	1 верасня 1886(1886-09-01)
Месца нараджэння	Гомель, Гомельскі павет, Магілёўская губерня, Расійская імперыя
Дата смерці	30 жніўня 1963(1963-08-30) (76 гадоў)
Месца смерці	Гомель, Гомельская вобласць, Беларуская ССР, СССР
Месца пахавання	Прудкоўскія могілкі
Грамадзянства	Беларуская ССР
Альма-матар	Беларускі нацыянальны тэхнічны ўніверсітэт (1933)
Месца працы	Беларускі саюз жыллёвай кааперацыі[d] Гомельскі абласны філіял інстытута «Белдзяржпраект»[d] Камітэт па архітэктуры і будаўніцтве Гомельскага аблвыканкама[d]
Член у	Саюз архітэктараў СССР Беларускі саюз архітэктараў

У Вікіпедыі ёсць артыкулы пра іншых людзей з прозвішчам Ханін.

Біяграфія

Вучыўся ў 1930—1933 гадах у Беларускім політэхнічным інстытуце. Член Саюза архітэктараў СССР з 1934 года. Працаваў у Белжылсаюзе, Гомельскім філіяле Белдзяржпраекта, у Гомельскім абласным кантролі па будаўніцтве, з 1944 па 1945 г. — галоўным архітэктарам Гомеля, з 1948 па 1956 г. — начальнікам Гомельскага абласнога Упраўлення па справах архітэктуры, абласной інспекцыі Дзяржархбудкантролю^[1].

Пахаваны побач з жонкай на Прудкоўскіх могілках Гомеля^[2].

Творчасць

Асноўныя працы: праекты пасёлкаў «Чырвоны Кастрычнік», «Яднанне» ў Гомелі, «Шлях да сацыялізму» ў Нова-Беліцы (1925—1929), жылыя дамы — 70-кватэрны і 16-кватэрны па вул. Пушкінскай (1929), 180-кватэрны і 20-кватэрны па вул. Камсамольскай (1931) — усё з С. Д. Шабунеўскім у Гомелі, Дом сацкультуры ў Чачэрску (1938), Дом Саветаў у Мазыры (1939)^[1].

Сям’я

Быў у шлюбе з Раісай Бенцыянаўнай Ханінай (1890—1965)^[2].

Зноскі

1. Ханин Григорий Цодикович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
2. Прудковское. Ханин Григорий Цодикович 1886—1963