Свянцянскі павет (1921—1940)

У паняцця ёсць і іншыя значэнні, гл. Свянцянскі павет.

Свянцянскі павет (польск.: Powiat święciański) — адміністрацыйна-тэрытарыяльная адзінка ў Віленскім ваяводстве Польскай Рэспублікі. Адміністрацыйны цэнтр — Свянцяны.

Свянцянскі павет
польск.: Powiat święciański
Краіна	Польская Рэспубліка
Статус	Павет
Уваходзіць у	Віленскае ваяводства
Уключае	1 горад, 14 вясковых гмін
Адміністрацыйны цэнтр	Свянцяны
Найбуйнейшыя гарады	Новыя Свянцяны
Дата ўтварэння	1921
Дата скасавання	1940
Староста	Станіслаў Дворак (1934–1939)
Насельніцтва (1931)	136 500
Шчыльнасць	34 чал./км²
Плошча	4 017 км²

Гісторыя

Да Першай сусветнай вайны быў паветам у Віленскай губерні Расійскай імперыі. У 1919—1920 гг. павет уваходзіў у склад Віленскай акругі ГУУЗ. 12 кастрычніка 1920 года тэрыторыя павета апынулася ў складзе Сярэдняй Літвы, якая 13 красавіка 1922 года была інкарпаравана ў Польшчу як Віленская зямля, а з 20 студзеня 1926 стала ваяводствам.

Нягледзячы на тое, што адміністрацыйны цэнтр быў у Свянцянах, найбуйнейшым населеным пунктам павета ў 1931 годзе былі Новыя Свянцяны (5 906 жыхароў).

У выніку польскага паходу Чырвонай Арміі ў верасні 1939 года павет быў падзелены паміж СССР і Літвой. Заходняя частка павета з цэнтрам у Новых Свянцянах адышла да Літвы, а ўсходняя з цэнтрам у Свянцянах - да Беларускай ССР. Беларуская частка павета 4 снежня 1939 года ўвайшла ў склад Вілейскай вобласці, 15 студзеня 1940 года на яе тэрыторыі ўтвораны Свянцянскі раён. Аднак ужо 25 лістапада 1940 года большая частка раёна перададзена Літоўскай ССР.

15 студзеня 1941 года павет быў адноўлены ў складзе Літоўскай ССР на тэрыторыі былых Свянцянскага, Гадуцішскага, Відзаўскага і Свірскага раёна Беларускай ССР.

Адміністрацыйны падзел

Паводле стану на 1931 год Свянцянскі павет уключаў 1 горад і 14 вясковых гмін:

Гарады

• Новыя Свянцяны

Гміны

• Вішнева^[1]
• Войстам^[1]
• Гадуцішкі (сядзіба ў мястэчку Гадуцішкі)
• Даўгелішкі (сядзіба ў мястэчку Новыя Даўгелішкі)
• Дукшты (сядзіба ў мястэчку Дукшты)
• Жодзішкі^[1]
• Жукойні
• Занарач^[2]
• Кабыльнікі^[2]
• Калтыняны (сядзіба ў мястэчку Калтыняны)
• Камаі (сядзіба ў мястэчку Камаі)
• Кемелішкі (сядзіба ў мястэчку Кемелішкі)
• Лынтупы (сядзіба ў мястэчку Лынтупы)
• Мелагены (сядзіба ў мястэчку Мелагены)
• Падброддзе (сядзіба ў мястэчку Падброддзе)
• Свір (сядзіба ў мястэчку Свір)
• Свянцяны (сядзіба ў горадзе Свянцяны)
• Шэметаўшчына (сядзіба ў мястэчку Шэметаўшчына)
• Цверач (сядзіба ў мястэчку Цверач)
• Ясева^[2]

Адукацыя

У 1919/1920 навучальным годзе ў Свянцянскім павеце дзейнічалі 62 усеагульныя школы і 1 сярэдняя. У іх навучаліся 4 102 вучні, працавалі 108 настаўнікаў^[3].

Старосты

• 29.04.1930 — Сцяпан Мідляж
• 26.06.1934 – 26.10.1939 — Станіслаў Дворак (ад ППС)