Спушанка

Спуша́нка^[1] — рака ў Шчучынскім і Гродзенскім раёнах Гродзенскай вобласці Беларусі, правы прыток ракі Скідалька (басейн Нёмана).

Спушанка
Характарыстыка
Даўжыня	44 км
Басейн	228 км²
Вадацёк
Выток
• Месцазнаходжанне	каля вёскі Плянты
• Каардынаты	53°37′39,40″ пн. ш. 24°43′38,40″ у. д.HGЯO
Вусце	Скідалька
• Месцазнаходжанне	на ўсходняй ускраіне горада Скідзель
• Каардынаты	53°35′38,10″ пн. ш. 24°15′34,20″ у. д.HGЯO
Ухіл ракі	1,6 м/км
Размяшчэнне
Водная сістэма	Скідалька → Котра → Нёман → Балтыйскае мора
Краіна	Беларусь
Рэгіён	Гродзенская вобласць
Раёны	Шчучынскі раён, Гродзенскі раён
выток вусце
— выток, — вусце

Даўжыня ракі 44 км^[2]. Плошча вадазбору 228 км². Сярэдні нахіл воднай паверхні 1,6 м/км. Пачынаецца каля вёскі Плянты Шчучынскага раёна, упадае ў Скідальку на ўсходняй ускраіне горада Скідзель. Даліна ракі звілістая, трапецападобная, яе шырыня 0,6—1,8 км. Пойма да аграгарадка Дэмбрава двухбаковая, месцамі чаргуецца па берагах, забалочаная, парасла лугавой расліннасцю і хмызняком, ніжэй па цячэнні вузкая, адкрытая. Рэчышча звілістае (шырыня 5—7 м), на працягу 18 км каналізаванае: ад вытоку да аўтамабільнай дарогі Шчучын—Астрына (18 км) і ад вёскі Маліннікі да аграгарадка Дэмбрава (4 км). Прымае сцёк з меліярацыйных каналаў. Упадае рака Прудчак (злева). Каля аграгарадка Дэмбрава на рацэ створана сажалка (плошча 6,4 га).

Зноскі

1. БелЭн 2002.
2. Агульная характарыстыка рачной сеткі Гродзенскай вобласці // Даведнік «Водныя аб’екты Рэспублікі Беларусь» Архівавана 23 верасня 2015. (руск.)