Смалёўка панікаючая

Смалёўка панікаючая^[1] (Silēne nūtans) — від раслін роду Смалёўка (Silene) сямейства Гваздзіковыя (Caryophyllaceae).

Смалёўка панікаючая
Агульны выгляд квітнеючай расліны
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Гваздзіковыя Падсямейства:  Caryophylloideae Трыба:  Sileneae Род:  Смалёўка Падрод:  Silene Секцыя:  Siphonomorpha Від:  Смалёўка панікаючая
Міжнародная навуковая назва
Silene nutans L.
Сінонімы
Гл. тэкст
Сістэматыка на Віківідах Выявы на Вікісховішчы ITIS   20095 NCBI   42038 EOL   593152 IPNI   157927-1 TPL   kew-2488633

Арэал і асяроддзе пражывання

Барэальны еўрасібірскі від. Расце ў Заходняй і Усходняй Еўропе. У Расіі адзначана — у Еўрапейскай частцы, на Каўказе, у Заходняй і Усходняй Сібіры^[2]. Як правіла расце на лясных палянах, у светлых лясах^[3].

Батанічнае апісанне

Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Шматгадовая кароткакарэнішчавая расліна вышынёй ад 30 да 70 см.

Сцёблы прамыя, адзінкавыя або ў ліку некалькіх, у вузлах уздутыя, апушаныя простымі валасінкамі, у верхняй частцы з прымешкай залозістых.

Лісце сцябла ланцэтападобнае, доўгазавостранае, коратка апушанае, сядзячае. Ля аснавання генератыўных парасткаў развіваюцца вегетатыўныя парасткі з ланцэтападобным і лапатападобным каротказавостраным лісцем, паступова звужаным у хвосцік.

Суквецце — друзлая аднабокая мяцёлка з панікаючымі кветкамі і залозіста-апушанымі галінамі. Чашачка трубчастая, пры плодзе ўздутая, з яснымі жылкамі, коратка апушаная або голая, з лінейна-ланцэтнымі зубцамі. Пялёсткі белыя або зелянява-белыя, у 1,5 разы даўжэй чашачкі. Адгін пялёстка з доўгімі, вузкалінейнымі прыдаткамі, глыбока рассечаны. Цвіценне ў ліпені — жніўні.

Каробачка яйкападобна-канічная, даўжынёй 8-11 мм.

Гаспадарчае значэнне і прымяненне

Выкарыстоўваецца ў народнай медыцыне^[4].

Ахова

Уключаны ў Чырвоныя кнігі наступных суб’ектаў Расійскай Федэрацыі: Валагодская вобласць, Калмыкія, Карэлія, Рэспубліка Комі, Стаўрапольскі край^[5].

Сінаніміка

Паводле дадзеных The Plant List^[6]

• Cucubalus nutans Lam.
• Cucubalus quadrifidus Pollini
• Cucubalus rubens Roth
• Oncerum nutans Dulac
• Otites nutans Opiz
• Silene brachypoda Rouy
• Silene nutans var. brachypoda (Rouy) Molero
• Silene nutans subsp. smithiana (Moss) Jeanm. & Bocquet
• Silene nutans var. smithiana Moss
• Viscago nutans Fourr.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 122. — 160 с. — 2 350 экз.
2. Смолёвка поникшая (нявызн.).
3. Лекарственные растения — Смолёвка поникшая (нявызн.).
4. Лекарственные растения / Смолёвка поникшая (Silene nutans L.) (нявызн.). Архівавана з першакрыніцы 3 снежня 2013. Праверана 1 снежня 2013.
5. Смолёвка поникающая — Silene nutans — Описание таксона — Плантариум (нявызн.)(недаступная спасылка). Архівавана з першакрыніцы 2 жніўня 2019. Праверана 17 верасня 2019.
6. Silene nutans L. — The Plant List (нявызн.).