Сфалерыт

Сфалеры́т^[2] (стар.-грэч.: σφαλερός — падманлівы), цынкавая падманка^[2] — мінерал класа сульфідаў, сульфід цынку. Назва звязана з цяжкасцю вызначэння мінерала.

Сфалерыт
Формула	ZnS
Прымесь	Fe, Cd, In, Ga
Статус IMA	approved mineral and/or valid name (A)[d][1]
Фізічныя ўласцівасці
Колер	Жоўты, чырванавата-аранжавы, зелянява-жоўты, шэры, цёмна-шэры, амаль бясколерны
Колер рысы	Жаўтаватая да светла-бурай
Бляск	Алмазны
Празрыстасць	Празрысты, прасвечвае
Цвёрдасць	3,5—4
Спайнасць	Дасканалая
Злом	Няроўны; далікатны
Шчыльнасць	4,08—4,10 г/см³
Сінгонія	Кубічная
Аптычныя ўласцівасці
Паказчык пераламлення	2,368—2,371
Медыяфайлы на Вікісховішчы

Сфалерыт бурштынава-жоўтага колеру называюць мядовай падманкай, памяранцава-чырвонага колеру — рубінавай падманкай.

Мае ў сваім складзе да 67 % цынку^[2], дамешкі жалеза, медзі, ртуці, кадмію, марганцу, волава, індыю, кобальту, галію і інш. Крышталізуецца ў кубічнай сінгоніі. Утварае тэтраэдрыяныя і кубаактаэдрычныя крышталі, зярністыя агрэгаты, парашковыя масы і інш. Цвёрдасць 3,5—4 па шкале Моаса. Шчыльнасць 4 г/см³. Крохкі.

Трапляецца ў радовішчах поліметалічных руд. Галоўная руда на цынк, крыніца кадмію, галію, індыю.