Сяргей Валянцінавіч Франкоўскі

Сяргей Валянцінавіч Франкоўскі (15 кастрычніка 1962, Магілёў) — беларускі оперны спявак (лірыка-драматычны тэнар). Народны артыст Беларусі (2009).

Сяргей Валянцінавіч Франкоўскі
Дата нараджэння	15 кастрычніка 1962(1962-10-15) (62 гады)
Месца нараджэння	Магілёў, Магілёўская вобласць, Беларуская ССР, СССР
Краіна	Беларусь
Альма-матар	Беларуская дзяржаўная акадэмія музыкі (1995)
Месца працы	Нацыянальны акадэмічны Вялікі тэатр оперы і балета Рэспублікі Беларусь
Музычная дзейнасць
Прафесіі	спявак
Пеўчы голас	тэнар
Інструменты	вакал
Прэміі
Узнагароды	Прэмія імя Л. Александроўскай (2009)
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Франкоўскі.

Паштовая марка Беларусі. Слева салісты оперы Сяргей Франкоўскі і Аксана Волкава ў спектаклі «Набука»

Жыццё і творчасць

У 1995 годзе скончыў Беларускую акадэмію музыкі, у 1997 годзе — магістратуру (клас заслужанага артыста Рэспублікі Беларусь, прафесара Л. Івашкова). У 1993 годзе студэнтам 3-га курса быў прыняты ў склад салістаў Нацыянальнага акадэмічнага Вялікага тэатра оперы і балета Рэспублікі Беларусь.

Выступаў у Германіі, ЗША, Іспаніі, Кіпры, Тайландзе, Швейцарыі. У розныя часы прымаў удзел у оперных пастаноўках з такімі славутымі опернымі выканаўцамі як Паата Бурчуладзэ, Сальваторэ Фізікела, Крысціян Ёхансан, Антоніа Сальваторэ і інш.

Рэпертуар спевака налічвае вядучыя тэнаровыя партыі ў класічных заходніх і рускіх операх, а таксама шэраг партый у нацыянальнай оперы:

• Эдгар («Лючыя дзі Ламермур^[ru]» Г. Даніцэці)
• Ізмаіл («Набука» Дж. Вердзі)
• Макдуф («Макбет^[ru]» Дж. Вердзі)
• Дон Карлас («Дон Карлас» Дж. Вердзі)
• Герцаг Мантуанскі («Рыгалета» Дж. Вердзі)
• Манрыка («Трубадур» Дж. Вердзі)
• Альфрэд («Травіята» Дж. Вердзі)
• Рычард («Баль-маскарад» Дж. Вердзі)
• Радамес («Аіда» Дж. Вердзі)
• Рудольф («Багема^[ru]» Дж. Пучыні)
• Каварадосі («Тоска^[ru]» Дж. Пучыні)
• Пінкертон («Мадам Батэрфляй» Дж. Пучыні)
• Калаф («Турандот» Дж. Пучыні)
• Турыду («Сельскі гонар^[ru]» П. Масканьі)
• Каніо («Паяцы^[ru]» Р. Леанкавала)
• Хазэ («Кармэн» Ж. Бізэ)
• Герман («Пікавая дама» П. Чайкоўскага)
• Самазванец («Барыс Гадуноў» М. Мусаргскага)
• Князь Галіцын («Хаваншчына^[ru]» М. Мусаргскага)
• Уладзімір Ігаравіч («Князь Ігар» А. Барадзіна)
• Нігіліст («Лэдзі Макбет Мцэнскага павета^[ru]» Д. Шастаковіча)
• Настаўнік («Візіт дамы» С. Картэса)
• Раман («Сівая легенда» Дз. Смольскага)

Ацэнка творчасці

Паводле водгукаў крытыкі, Франкоўскі валодае тэмбральна яркім, паўнагучным голасам, драматычным тэмпераментам і высокім сцэнічным прафесіяналізмам. Сярод лепшых партый спевака — Манрыка («Трубадур» Дж. Вердзі), Герцаг Мантуанскі («Рыгалета» Дж. Вердзі), Турыду («Сельскі гонар^[ru]» П. Масканьі) і інш.

Званні, узнагароды і прэміі

• Лаўрэат Нацыянальнага конкурсу вакалістаў імя Л. П. Аляксандроўскай (Мінск, 1991)
• Лаўрэат Міжнароднага конкурсу вакалістаў імя С. Лемешава (Цвер, Расія, 1992)
• Заслужаны артыст Рэспублікі Беларусь (2004)
• Прэмія Беларускага Саюза тэатральных дзеячаў імя Л. П. Александроўскай (2009)
• Народны артыст Беларусі (2009)
• ордэн Францыска Скарыны (2016)^[1].

Зноскі

1. Указ Прэзідэнта Рэспублікі Беларусь ад 28 верасня 2016 года № 352 «Аб узнагароджанні» Архівавана 4 сакавіка 2021.