Тамбоўская раўніна

Тамбо́ўская раўні́на^[1][2] (руск.: Тамбо́вская равни́на) — нізіна ў цэнтральнай частцы еўрапейскай часткі Расіі, у Тамбоўскай, часткова ў Разанскай і Варонежскай абласцях.

Тамбоўская раўніна
руск.: Тамбовская равнина
Каардынаты: 52°00′ пн. ш. 41°00′ у. д.HGЯO
Размяшчэнне	Расія
Рэкі	Цна, Дон, Варонеж, Біцюг
Тамбоўская раўніна

Тамбоўская раўніна займае асноўную частку Окска-Данской раўніны (паўночную і цэнтральную). Складзена лёсападобнымі суглінкамі, пад якімі знаходзіцца дняпроўская марэна, ніжэй — пясчана-гліністыя адклады неагену. Рэкі: Цна з прытокамі, Дон, Варонеж, Біцюг і іншыя. У ландшафтах лесастэп з чарназёмамі і шэрымі ляснымі глебамі.

Большая частка тэрыторыі раўніны пад сельскагаспадарчымі ўгоддзямі. Вырошчваюцца збожжавыя культуры, сланечнік, цукровыя буракі, бульба.