Траскоўшчына (Мінск)

У паняцця ёсць і іншыя значэнні, гл. Траскоўшчына.

Траско́ўшчына (таксама Грыско́ўшчына) — колішняя вёска на паўднёвым захадзе Мінска, на беразе ракі Мышкі (прыток Свіслачы). З 1978 года ў складзе Мінска, цалкам знесеная.

Вёска Траскоўшчына Краіна Беларусь Вобласць Мінская Раён Мінскі Сельсавет Шчомысліцкі Каардынаты 53°51′38,30″ пн. ш. 27°30′27,70″ у. д.HGЯO Ранейшыя назвы Грыскоўшчына, Грыскаўшчызна Траскоўшчына Траскоўшчына

Месцілася на паўднёвым усходзе ад Пятроўшчыны, ля сутокаў рэчак Мышкі (або Копраўкі) і Лошыцы.

Назва

Назва Траскоўшчыны адыменнага паходжання, на гэта паказвае ўжо патранімічнае афармленне —шчына.^{[крыніца?]}

Аснова Trask- ад антрапоніма (колішняга імя) тыпу Traskus, такое прозвішча вядомае і ў сучаснай літоўскай антрапаніміі.^{[крыніца?]}

Імя «Траскус» утворанае ад асновы Tras- і антрапанімічнага суфікса -k-. Гэтая ж аснова таксама ў імені Traseikis, ад якога тапонім Трасейкі (недалёка ад возера Свіцязь).^{[крыніца?]}

Яшчэ адна Траскоўшчына каля Ракава, на захадзе ад «мінскай», яе назва найверагодней ад імя той жа асобы.^{[крыніца?]}

Таго ж іменнага паходжання на тэрыторыі сучаснага Мінска і былыя вёскі Сморгаўка, Шэйпічы, Лабуншчына (у Каменнай горцы, цяпер не існуе). Існуюць балцка-літоўскія антрапонімы Smurgis, Šeipys, Bugrimas, Labūnas.^{[крыніца?]}

Гісторыя

У 1800 годзе вёска на левым беразе ракі Копраўка, уласнасць І. Жыжэмскага, 2 двары, 17 жыхароў, карчма. У 1858 годзе вёска Траскаўшчызна, уласнасць Н. Чарноцкага. У 1897 годзе 8 двароў, 61 жыхар^[1].

У 1917 годзе вёска Сеніцкай воласці Мінскага павета: 14 двароў, 85 жыхароў. З 1924 года ў Падгайскім сельсавеце Самахвалавіцкага раёна, з 1931 года ў адміністрацыйным падпарадкаванні Менскага гарсавета, з 1934 года ў Менскім раёне. 20 студзеня 1960 года вёска пераведзена са складу скасаванага Мядзвежынскага сельсавета ў Шчомысліцкі сельсавет^[2].

У 1978 годзе ўключаная ў межы горада Мінска^[3]. Вёска цалкам знесеная, на яе месцы прамысловая зона ў канцы вуліцы Машыністаў^[4].

Зноскі

1. Памяць 1998, с. 626.
2. Рашэнне выканкома Мінскага абласнога Савета дэпутатаў працоўных ад 20 студзеня 1960 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1960, № 2.
3. Минск : энциклопедический справочник 1983, с. 408.
4. Сацукевіч І. І., с. 6.