Тадэвуш Іваноўскі

Тадэвуш Леанардавіч Іваноўскі, Тадас Іванаўскас (літ.: Tadas Ivanauskas; 16 снежня 1882, фальв. Лябёдка Лідскага павета (цяпер у межах в. Галавічполе, Шчучынскі раён) — 1 красавіка 1970) — літоўскі навуковец-біёлаг.

Тадэвуш Іваноўскі
літ.: Tadas Ivanauskas польск.: Tadeusz Iwanowski
Дата нараджэння	16 снежня 1882(1882-12-16)[1]
Месца нараджэння	Галавічполе, Лідскі павет, Віленская губерня, Расійская імперыя
Дата смерці	1 чэрвеня 1970(1970-06-01)[1] (87 гадоў)
Месца смерці	Коўна, Ковенскае гарадское самакіраванне[d], Літоўская ССР, СССР[2]
Месца пахавання	Tabariškiai cemetery[d]
Грамадзянства	Расійская імперыя  Літва  СССР
Бацька	Леанард Іваноўскі
Маці	Ядвіга з Райхеляў[d]
Дзеці	Ежы Іваноўскі
Род дзейнасці	заолаг, арнітолаг, выкладчык універсітэта, біёлаг
Навуковая сфера	заалогія
Месца працы	Віленскі ўніверсітэт Універсітэт Вітаўта Вялікага
Навуковае званне	Акадэмія навук Літвы
Альма-матар	Парыжскі ўніверсітэт
Узнагароды	Медаль «За доблесную працу ў Вялікай Айчыннай вайне 1941-1945 гг.»
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Іваноўскі.

Біяграфія

Сын Леанарда Іваноўскага, брат Вацлава Іваноўскага.

Скончыў гімназію ў Санкт-Пецярбургу (1903), вывучаў прыродазнаўства ў Пецярбургскім універсітэце (1903—1905) і Сарбоне (1905—1909).

У 1910 — 1918 гг. жыў у Санкт-Пецярбургу, займаўся навукай, працаваў у Міністэрстве земляробства Расійскай імперыі. 3 1919 г. пераехаў у Коўна, працаваў у дэпартаменце земляробства, быў адным з арганізатараў Ковенскага ўніверсітэта і прафесарам аддзялення матэматычна-прыродазнаўчых навук. Апрацаваў разам з В. Ластоўскім, К. Дуж-Душэўскім лацінска-руска-беларускі слоўнік па арніталогіі. У 1940 — 1941 гг. — кіраўнік кафедры заалогіі Універсітэта Стэфана Баторыя, член АН Літоўскай ССР. Пасля вайны — прафесар Ковенскага і Віленскага ўніверсітэтаў, арганізатар і дырэктар Інстытута біялогіі Акадэміі навук.

У 1946 г. атрымаў медаль «За доблесную працу ў Вялікай Айчыннай вайне 1941-1945 гг.» за адукацыю літоўскай моладзі^[3].

Быў выдатным арнітолагам, аўтарам шматлікіх навуковых прац. Заснавальнік заапарка ў Каўнасе.

Меў трох жонак: Марыю Вольскую (1884–?), Ганарату Паскаўскайце (1891–1949) і Марыю Наткевіч (1905–1996). Сын Ежы Іваноўскі (1907—2008) стаў вайскоўцам, прафесійным спартсменам, конезаводчыкам.