Тэадор Жыхлінскі

У Вікіпедыі ёсць артыкулы пра іншых людзей з прозвішчам Жыхлінскі.

Тэадор Жыхлі́нскі (польск.: Teodor Żychliński; 25 чэрвеня 1836, Гжыміслаў каля Сьрэма, Польшча — 26 жніўня 1909, Познань) — польскі гісторык, генеалог і публіцыст^[2].

Тэадор Жыхлінскі
Дата нараджэння	25 чэрвеня 1830(1830-06-25)
Месца нараджэння	Дэбжна, Гміна Дэбжна, Члухоўскі павет, Паморскае ваяводства, Польшча
Дата смерці	25 жніўня 1909(1909-08-25) (79 гадоў)
Месца смерці	Познань, Позен, Каралеўства Прусія, Германская імперыя
Месца пахавання	Могілкі заслужаных велікапалян у Познані[d]
Грамадзянства	Расійская імперыя
Род дзейнасці	гісторык, аўтар дзённіка, журналіст, пісьменнік, геральдыст, генеалог
Навуковая сфера	журналістыка[1], генеалогія[1], геральдыка[1] і палітычная дзейнасць[d][1]
Месца працы	Dziennik Poznański[d] Kurier Poznański[d]

Біяграфія

Паходзіў са шляхецкай сям’і^[2]. Служыў паручнікам артылерыі ў прускай арміі. Пазней перасяліўся ва Уроцлаў, дзе ў 1863 годзе ўдзельнічаў у канспірацыйным руху, а пасля жыў у Познані^[2].

У 1864—1876 гадах быў рэдактарам газет «Dziennik Poznański» («Пазнанскі дзённік») і «Kurier Poznański» («Пазнанскі кур’ер»)^[2].

Навуковая дзейнасць

Аўтар шматлікіх гістарычна-генеалагічных даследаванняў. Асноўная праца — шматтомная «Залатая кніга польскай шляхты» («Złota księga szlachty polskiej», т. 1—31, Познань, 1879—1908), якая змяшчае 521 гістарычна-генеалагічны нарыс шляхецкіх родаў Рэчы Паспалітай^[2].

Нарысы пра роды Вялікага Княства Літоўскага (у тым ліку Агінскіх, Белазораў, Бжастоўскіх, Вайніловічаў, Валадкевічаў, Касакоўскіх, Нарушэвічаў, Пацаў, Плятэраў, Ромераў, Сангушкаў, Сяляваў, Тышкевічаў, Хадкевічаў, Храпавіцкіх і іншых) вылучаюцца высокім узроўнем апрацоўкі і дакладнасцю^[2]. Шмат матэрыялаў пра шляхту ВКЛ Жыхлінскаму даслаў Станіслаў Казімір Касакоўскі^[3].

Творы

• Żywot Tadeusza Kościuszki. — Poznań, 1876.
• Kronika żałobna rodzin wielkopolskich od 1863—1876 r. — Poznań, 1877.
• Złota księga szlachty polskiej. — T. 1-31. — Poznań, 1879—1908.