Уладзімір Мікалаевіч Целяпнёў

Уладзімір Мікалаевіч Целяпнёў (8 сакавіка 1950, в. Радуша, Жлобінскі раён, Гомельская вобласць — 18 снежня 2018, Мінск) — беларускі архітэктар і будаўнік.

Уладзімір Мікалаевіч Целяпнёў
Дата нараджэння	8 сакавіка 1950(1950-03-08)
Месца нараджэння	Радуша, Радушскі сельсавет, Жлобінскі раён, Гомельская вобласць, Беларуская ССР, СССР
Дата смерці	18 снежня 2018(2018-12-18) (68 гадоў)
Месца смерці	Мінск, Беларусь
Грамадзянства	СССР  Беларусь
Альма-матар	БПІ (1972)
Месца працы	Саюзмашпраект[d] Мінскметрапраект[d]
Член у	Саюз архітэктараў СССР Беларускі саюз архітэктараў
Узнагароды

У Вікіпедыі ёсць артыкулы пра іншых людзей з прозвішчам Целяпнёў.

Біяграфія

Скончыў Беларускі політэхнічны інстытут у 1972 годзе. Працаваў архітэктарам, кіраўніком групы архітэктараў у Саюзмашпраекце, з 1978 года — кіраўнік групы архітэктараў^[1], галоўны архітэктар у Мінскметрапраекце.

Член Саюза архітэктараў СССР з 1979 года. Пражываў у Мінску^[1]. Памёр 18 снежня 2018 года пасля цяжкай працяглай хваробы^[2].

Творчасць

Асноўныя працы (у аўтарскім калектыве): аптычны корпус механічнага завода імя Вавілава (1981), адміністрацыйна-бытавы корпус вагоннага дэпо (1984) у Мінску^[1]. Удзельнічаў у распрацоўцы архітэктурна-планіровачных рашэнняў такіх станцый Мінскага метрапалітэна, як Спартыўная, Кунцаўшчына, Каменная Горка, Барысаўскі тракт, Уручча, Грушаўка, Міхалова, Пятроўшчына, Малінаўка.

Сааўтар праектаў 9 аўтадарожных тунэляў на Каўказе (Расійская Федэрацыя), якія складалі аб'язны шлях Сочы, алімпійскай аўтадарогі Адлер-Чырвоная Паляна і шэрагу збудаванняў метрапалітэна ў Маскве, Чалябінску, Казані, Варшаве і інш.

Узнагароды

Лаўрэат прэміі Савета Міністраў СССР^[3].

Зноскі

1. Телепнев Владимир Николаевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
2. Памяти архитектора В.Н. Телепнева Белорусский союз архитекторов. (21 декабря 2018).
3. «Старое метро как музей Советского Союза» (нявызн.)(недаступная спасылка). Архівавана з першакрыніцы 27 кастрычніка 2012. Праверана 15 лістапада 2012.