Уладзіслаў Дмахоўскі

Уладзіслаў Дмахоўскі (польск.: Władysław Dmochowski, літ.: Vladislovas Dmachauskas; 1838 ці 1841, Вільня — 13 студзеня 1913, Беняконі, цяпер Воранаўскі раён, Беларусь) — мастак, чыя творчая дзейнасць звязана з культурным жыццём Літвы, Польшчы і Беларусі.

Уладзіслаў Дмахоўскі
Дата нараджэння	1841
Месца нараджэння	Вільня, Віленскі павет, Віленская губерня, Расійская імперыя
Месца смерці	Беняконі, Беніконская воласць[d], Лідскі павет, Гродзенская губерня, Літоўскае генерал-губернатарства, Расійская імперыя
Грамадзянства	Літва
Бацька	Вінцэнт Дмахоўскі
Род дзейнасці	мастак, выкладчык, ілюстратар
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Дмахоўскі.

Біяграфія

Сын Вікенція Дмахоўскага. Вучыўся мастацкай справе ў Вільні, у 1857—1862 гадах жыў у Парыжы. У 1862 годзе вярнуўся ў Літву. Удзельнічаў у паўстанні 1863 года, за што быў высланы. З 1866 года пасяліўся ў Варшаве. Ілюстраваў часопісы «Kłosy  (польск.)», «Tygodnik ilustrowany», «Wieniec  (польск.)». З 1872 года выкладаў маляванне ў Варшаўскім інстытуце глуханямых  (польск.). З 1873 года выкладаў у Чэнстахове. З 1884 года жыў у Нагародавічах, Беняконях.

Творчасць

«У Вільню на карнавал»

Прымаў удзел у выстаўках у Варшаве, Кракаве, Любліне. Гумарыстычныя вобразы бытавых кампазіцый і палявання пісаў акварэллю і алейнымі фарбамі. У 1877 годзе ў Варшаве быў выпушчаны альбом з яго малюнкамі краявідаў Чэнстахова і Яснай Гары  (руск.)^[1].

Зноскі

1. Aleksandras Indriulaitis  (літ.). Vladislovas Dmachauskas. Visuotinė lietuvių enciklopedija, T. V (Dis-Fatva). — Vilnius: Mokslo ir enciklopedijų leidybos institutas, 2004. 31 psl.