Феафіл Іванавіч Анісовіч

У Вікіпедыі ёсць артыкулы пра іншых людзей з прозвішчам Анісовіч.

Феафіл Іванавіч Анісовіч (12 (25) чэрвеня 1911, Араны, Віленская губерня — 29 жніўня 1988(1988-08-29)) — беларускі мастак дэкаратыўна-прыкладнога мастацтва, афарміцель.

Феафіл Іванавіч Анісовіч
Дата нараджэння	12 (25) чэрвеня 1911
Месца нараджэння	Араны, Троцкі павет, Віленская губерня, Расійская імперыя
Дата смерці	29 жніўня 1988(1988-08-29) (77 гадоў)
Жонка	Адэля Лаўрэнцьеўна Анісовіч
Род дзейнасці	мастак-дэкаратар, дэкаратар
Месца працы	Белпрамсавет[d]
Вучоба	Віцебскае народнае мастацкае вучылішча (1934)
Член у	Беларускі саюз мастакоў

Біяграфія

Нарадзіўся ў 1911 годзе на станцыі Араны. Скончыў у 1934 годзе Віцебскі мастацкі тэхнікум. Удзельнік мастацкіх выставак з 1944 года^[1].

Працаваў у галіне дэкаратыўна-прыкладнога мастацтва, мастацкага афармлення інтэр’ераў. Быў у 1944 годзе арганізатарам і галоўным мастаком лабараторыі мастацкіх промыслаў Белпрамсавета, у 1945—1951 гадах афармляў выстаўкі мастацкіх промыслаў, у 1951—1975 гадах займаўся вытворчай эстэтыкай^[1].

Член Беларускага саюза мастакоў з 1965 года^[1].

Памёр у 1988 годзе^[1].

Творчасць

Асноўныя творы святочныя абрусы-габелены, роспісы тканін, сувенірныя вырабы па пераборнаму ткацтву, цацкі. Адзін са складальнікаў альбома «Беларускі народны арнамент»^[1].

Творы знаходзяцца ў Нацыянальным мастацкім музеі Беларусі, Беларускім музеі гісторыі Вялікай Айчыннай вайны^[1].

Сям'я

Верагодна, быў у шлюбе з мастачкай Адэляй Анісовіч (1911—1991).