Цярэспаль (Докшыцкі раён)

У паняцця ёсць і іншыя значэнні, гл. Цярэспаль (значэнні).

Цярэспаль — колішняе паселішча, цяпер на тэрыторыі Параф’янаўскага сельсавета Докшыцкага раёна Віцебскай вобласці Беларусі.

Населены пункт
Цярэспаль
54°45′55″ пн. ш. 27°39′34″ у. д.HGЯO
Краіна	Беларусь
Гісторыя і геаграфія
Паказаць/схаваць карты
Цярэспаль (Докшыцкі раён)

Гісторыя

Пасля падзелаў Рэчы Паспалітай, у Віленскім павеце, Віленскай губерні Расійскай імперыі^[1].

Паводле Рыжскага мірнага дагавора 1921 года ў складзе Польшчы, засценак, потым калонія ў Дунілавіцкім павеце Навагрудскага ваяводства (1921—1922), потым Віленскай зямлі (1922—1926), з 1926 года ў гміне Параф’янава Дзізенскага павета Віленскага ваяводства^[2].

Паводле перапісу 1921 года, тут 31 чалавек, з якіх 30 рыма-каталікі і 1 праваслаўны; 30 жыхароў заявілі пра польскую нацыянальнасць і 1 — пра беларускую; было 4 жылыя будынкі^[3]. Паводле перапісу 1931 года, тут у 5 дамах жыло 34 чалавекі^[4].

Вернікі належалі да рымска-каталіцкай парафіі ў Параф’янаве. Паселішча падпарадкоўваўся гарадскому суду ў Докшыцах і акруговаму суду ў Вільні; адпаведнае паштовае аддзяленне знаходзілася ў Параф’янаве^[5].