Шальнік

Ша́льнік^[2][3] (Alísma) — род кветкавых раслін сямейства шальнікавыя (Alismataceae).

Шальнік
Шальнік трыпутнікавы (Alisma plantago-aquatica)
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Шальнікавыя Род:  Шальнік
Міжнародная навуковая назва
Alisma L., 1753[1]
Тыпавы від
Шальнік трыпутнікавы (Alisma plantago-aquatica)
Сістэматыка на Віківідах Выявы на Вікісховішчы ITIS   38891 NCBI   14999 EOL   29143 GRIN   g:386 IPNI   101287-3 FW   83635

У паняцця ёсць і іншыя значэнні, гл. Шальнік.

Батанічнае апісанне

Шальнік трыпутнікавы (Alisma plantago-aquatica). Батанічная ілюстрацыя з кнігі О. В. Тамэ «Flora von Deutschland, Österreich und der Schweiz», 1885

Шматгадовыя водныя травяністыя расліны. Сцябло прамастойнае. Лісце суцэльнае, на чаранках, у прыкаранёвай разетцы. Кветкі белага колеру, з трыма пялёсткамі, сабраныя ў мяцёльчатыя суквецці. Плод — шматарэшак.

Арэал

Налічваецца каля дзесяці (11^[4]) відаў, шырока распаўсюджаныя па ўсім свеце. Большай часткай — у Паўночным паўшар’і, таксама ў Аўстраліі, Паўднёва-Усходняй Азіі, Усходняй Афрыцы і Цэнтральнай Амерыцы. На тэрыторыі Беларусі сустракаюцца 3 віды шальніка^[5]: шальнік злакавы (Alisma gramineum), шальнік ланцэтны (Alisma lanceolatum), шальнік трыпутнікавы (Alisma plantago-aquatica).

Значэнне

З’яўляюцца кормам андатры і качак^[3]. Трава ў свежым выглядзе ядавітая для жывёл^[3].

Зноскі

1. Species Plantarum: 342 (1753)
2. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 11. — 160 с. — 2 350 экз.
3. Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17.
4. Alisma (англ.) // The Plant List
5. Растения Беларуси(недаступная спасылка)