Шальнік ланцэтны

Шальнік ланцэтны (Alisma lanceolatum) — від аднадольных раслін роду Шальнік (Alisma) сямейства Шальнікавыя (Alismataceae). Упершыню апісаны брытанскім батанікам Уільямам Уізерынгам  (руск.) у 1796 годзе^[1][2].

Шальнік ланцэтны
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Аднадольныя Парадак:  Шальнікакветныя Сямейства:  Шальнікавыя Род:  Шальнік Від:  Шальнік ланцэтны
Міжнародная навуковая назва
Alisma lanceolatum With., 1796
Ахоўны статус
Выклікаюць найменшыя асцярогі IUCN 3.1 Least Concern : / 163974
Сістэматыка на Віківідах Выявы на Вікісховішчы ITIS   564996 NCBI   365730 EOL   1084194 IPNI   1047073-2 TPL   kew-294813

Распаўсюджанне і асяроддзе пражывання

Сустракаецца ад Макаранезіі, паўночна-заходняй Афрыкі, Еўропы да Кітая^[3]; па дадзеных «Flora of China» арэал даходзіць да Аўстраліі^[4].

Расце на азёрах, рэках і па іх берагах, на балотах, сырых або забалочаных лугах^[5].

Батанічнае апісанне

Гелафіт^[3].

Шматгадовая травяністая водная ўкараняльная расліна^[5].

Надводнае лісце ланцэтнае, падводнае - лінейнае; размешчана чаргова ў прыкаранёвай разетцы^[5].

Суквецце мяцёлкавае, нясе трохпялёсткавыя кветкі памерам да 2 см белага альбо ружовага колеру, з белымі, жоўтымі, зялёнымі або чырвонымі плямамі на пялёстках^[5].

Плод — шматарэшак бурага або зялёнага колеру^[5].

Атрутнае: маладыя расліны небяспечныя для жывёлы^[5].

Прыродаахоўная сітуацыя

Шальнік ланцэтны занесены ў Чырвоныя кнігі Латвіі, Літвы, Эстоніі, а таксама ў Чырвоныя кнігі шэрагу рэгіёнаў Расіі: Ленінградскай, Уладзімірскай, Іванаўскай, Калужскай, Кастрамской, Мурманскай, Наўгародскай, Пскоўскай абласцей, рэспублік Марый Эл, Татарстан і Удмуртыя^[5].

Сінонімы

Сінанімічныя назвы^[1]:

• Alisma plantago-aquatica f. aquaticum Glück
• Alisma plantago-aquatica var. lanceolatum (With.) Lej.
• Alisma plantago-aquatica f. pumilum Glück
• Alisma plantago-aquatica var. stenophyllum Asch. & Graebn.
• Alisma plantago-aquatica f. stenophyllum (Asch. & Graebn.) Buchenau
• Alisma plantago-aquatica f. terrestris Glück
• Alisma stenophyllum Sam.
• Alisma subcordatum var. stenophyllum (Asch. & Graebn.) Lunell

Зноскі

1. Alisma lanceolatum With. — The Plant List
2. Tropicos | Name — !Alisma lanceolatum With
3. World Checklist of Selected Plant Families: Royal Botanic Gardens, Kew
4. Alisma lanceolatum in Flora of China @ efloras.org
5. Шальнік ланцэтны: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)