Наблус

На́блус, або Шхем (араб. نابلس‎; іўр.: שְׁכֶם — Шхем, у беларускай традыцыі Сіхе́м, у антычнасці Флавія Неапаліс, лац.: Flavia Neapolis^[2]) — горад на Заходнім беразе ракі Іардан, у Палесцінскай аўтаноміі, у гістарычнай вобласці Самарыя, адміністрацыйны цэнтр правінцыі Наблус.

Горад Наблус араб. نابلس‎, іўр.: שְׁכֶם Краіна  Палесціна Рэгіён Заходні бераг ракі Іардан Раён Наблус Каардынаты 32°12′58″ пн. ш. 35°15′58″ у. д.HGЯO Кіраўнік Гасан Шакаа Першая згадка ~1200 да н.э. Ранейшыя назвы Шхем Плошча 29 ± 0 км² Вышыня цэнтра 550 м[1] Афіцыйная мова арабская Насельніцтва 130 000 чалавек Нацыянальны склад арабы Канфесійны склад мусульмане Часавы пояс UTC+2 і UTC+03:00 Афіцыйны сайт nablus.org/index.php/ar/ Наблус на карце Дзяржава Палесціна

Медыяфайлы на Вікісховішчы

Насельніцтва каля 130 000 чалавек, галоўным чынам палестынцы. Большасць вернікаў — мусульмане. Каля 350 самарыцян пражываюць у асобным раёне на гары Гарызім.

У Бібліі

Горад Шхем вядомы з біблейскіх часоў (1200 да н.э.) як буйны цэнтр племя хівійцаў. Сын сіхемскага кіраўніка згвалтаваў Дзіну, адзіную дачку Якава, згаданую ў Бібліі па імі, і за гэта горад быў выразаны яе братамі Сімяонам і Левіем. У Шхеме знаходзіцца грабніца яе брата Іосіфа. Пасля падзелу зямлі паміж каленамі Ізраіля трапіў у надзел калена Манасіі (Менашэ). Шхем атачаюць горы Гарызім і Гевал, на якіх па загадзе Майсея неўзабаве пасля пераходу яўрэяў цераз Іардан быў заключаны запавет паміж Богам і яўрэйскім народам. У Шхеме быў абвешчаны царом Ізраіля Авімелех сын Гедэона (Суд. 9:6; 9:22). Пасля падзелу царства — цэнтр паўночных каленаў і першая сталіца Ераваама.

Гісторыя

У 400 годзе да н.э. ператварыўся ў культурны цэнтр і свяшчэнны горад самарыцян. Захоплены рымлянамі ў пачатку нашай эры і пераназваны імі ў гонар імператара Веспасіяна ў Флавія Неапаліс, гэта назва ў арабскай мове была перайначаная на Наблус. У горадзе захаваліся руіны старажытнага храма гіксосаў. Не меней цікавыя царква Св. Ганны і Сідонскія грабніцы. У 1120 годзе крыжакі склікалі ў горадзе Наблускі сабор.

Славутасці і культура

• Мячэць Ан-Наср
• Магіла Іосіфа
• Наблуская саборная мячэць

Гарады-пабрацімы

•  Данды, Вялікабрытанія^[3]
•  Кома, Італія^[3]
•  Ліль, Францыя^[3]
•  Неапаль, Італія
•  Познань, Польшча
•  Рабат, Марока^[3]
•  Ставангер, Нарвегія^[3]
•  Таскана, Італія^[3]
•  Фес, Марока (1990)
•  Фларэнцыя, Італія^[3]
•  Хасавюрт, Расія^[3]

Панарама

Панарама Наблуса

Гл. таксама

• Навамучанік Філумен (Хасапіс)