Шыкілі

Шыкілі́^[1] (трансліт.: Šykili, руск.: Шикили) — вёска ў Беларусі, у Брэсцкім раёне Брэсцкай вобласці. Уваходзіць у склад Дамачаўскага сельсавета.

Вёска Шыкілі Краіна Беларусь Вобласць Брэсцкая Раён Брэсцкі Сельсавет Дамачаўскі Каардынаты 51°43′34″ пн. ш. 23°34′23″ у. д.HGЯO Насельніцтва 83 чалавекі (2005) Часавы пояс UTC+3 Тэлефонны код +375 162 Паштовыя індэксы 225021 Аўтамабільны код 1 СААТА 1212805071 Шыкілі Шыкілі Шыкілі

Шыкілі на Вікісховішчы

У складзе адкрытага акцыянернага таварыства «Брэстрайаграсэрвіс» (цэнтр — гарадскі пасёлак Дамачава).

Геаграфія

Знаходзіцца за 56 км на поўдзень ад Брэста, 12 км ад чыгуначнай станцыі Дубіца, аўтадарогай звязана з гарадскім пасёлкам Дамачава і шашой Брэст — Тамашоўка, на ўсходзе лес, на захадзе — рака Заходні Буг (прыток ракі Нараў).

Гісторыя

У XIX стагоддзі вядома як прысёлак у Дамачаўскай воласці Брэсцкага павета Гродзенскай губерні.

Паводле Рыжскага мірнага дагавора 1921 года ў складзе Польшчы, у Дамачаўскай гміне Брэсцкага павета Палескага ваяводства.

З 1939 года ў складзе БССР. У Вялікую Айчынную вайну загінулі 7 жыхароў.

Да 8 верасня 1959 года ў складзе Ліпінкаўскага сельсавета^[2].

Насельніцтва

• 25 двароў, 165 жыхароў (1897)
• 16 двароў, 65 жыхароў (1921)
• 208 жыхароў (1959)
• 171 жыхар (1970)
• 30 гаспадарак, 83 жыхары (2005)

Зноскі

1. Назвы населеных пунктаў Рэспублікі Беларусь: Брэсцкая вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2010.— 318 с. ISBN 978-985-458-198-9. (DJVU)
2. Рашэнне выканкома Брэсцкага абласнога Савета дэпутатаў працоўных ад 8 верасня 1959 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1959, № 11.