Эвара

Э́вара (парт.: Évora) — горад у Партугаліі, які мае славу горада-музея. Насельніцтва - 57073 чал. (2011 г.)

Горад Эвара Évora Сцяг Герб Краіна  Партугалія Каардынаты 38°34′21″ пн. ш. 7°54′26″ з. д.HGЯO Заснаваны 1166 Горад з 1166 Плошча 1307,04 км² Вышыня цэнтра 295 м Афіцыйная мова партугальская Насельніцтва 57073 чалавекі (2011) Часавы пояс UTC+0, летам UTC+1 Тэлефонны код 266 Паштовыя індэксы 7000-000/7005-000 Афіцыйны сайт cm-evora.pt (парт.) святы заступнік апостал Пётр Гарадское свята Дзень Святога Пятра, 29 чэрвеня Эвара на карце Партугаліі

Медыяфайлы на Вікісховішчы

Гісторыя

Эвара ў 1501 г.

Эвара была заснавана кельтыберамі. У перакладзе з іх старажытнай мовы назва горада азначае "Цісы".

У 57 г. да н. э. горад быў захоплены рымлянамі.

У 584 г. далучаны да каралеўства вестготаў.

У 715 г. заваяваны арабамі.

У 1166 г. далучаны да Партугаліі. Тады ж атрымаў гарадскія правы.

Перыяд кан. XIV - XVI стст. стаў росквітам Эвары. Фактычна яна стала другой сталіцай Партугаліі, дзе мелі рэзідэнцыі амаль усе каралі Авіскай дынастыі і вяльможы. У горадзе некаторы час жыў Васка да Гама. Тут нарадзіўся Педра Фернандэс дэ Кірас. Пра дабрабыт карэнных жыхароў Эвары кажа той факт, што ў XVI ст. значную частку мясцовага насельніцтва складалі чарнаскурыя афрыканскія рабы.

У 1559 г. езуітамі быў заснаваны калегіум, які пазней атрымаў статус універсітэта (Эварскі ўніверсітэт). Пасля выгнання езуітаў з Партугаліі ў 1759 г. універсітэт быў зачынены, і Эвара прыйшоў у заняпад. Зноў ён адрадзіўся толькі ў 1973 г.

У 1986 г. гістарычны цэнтр Эвары быў унесены ў спіс сусветнай спадчыны ЮНЕСКА.

Славутыя мясціны

Цэнтральная частка Эвары, пабудаваная пераважна ў XIV - XVI ст., унесена ў спіс сусветнай спадчыны ЮНЕСКА. Яна ўключае 4000 будынкаў, размешчаных на плошчы 1,05 км². Найбольш цікавыя з іх:

• Рымскі храм Дыяны (I ст. н. э.) знаходзіцца на галоўнай плошчы складаецца з малога пастамента з 12 гранітнымі калонамі і мармуровым фрызам

• 
  Xрам Дыяны

• Кафедральны сабор ў раманскім стылі, пачаў будавацца ў 1186 г. Аднак галоўная частка працы над ім вялася паміж 1280 і 1340 гг.

• 
  Кафедральны сабор

• Касцёл Святога Францыска к поўдню ад плошчы Praça do Giraldo знакаміты капліцай Душ-Осуш, муры і калоны якой аздоблены косткамі больш за 5000 мясцовых манахаў. На дзвярах надпіс: "Нашы косткі чакаюць вашых". Адразу за касцёлам пачынаецца прыгожы парк.

• 
  Портык касцёла Святога Францыска
• 
  У капліцы Душ-Осуш

• Старыя будынкі ўніверсітэта Эвары (XVII - XVIII стст).

• 
  Унутраны ўніверсітэцкі двор

• Былы кляштар Лоюш. Большая частка ператворана ў раскошную гасцініцу. Захаваўся толькі касцёл Святога Яна Евангеліста
• Палацы Мануэля, Васка да Гама, герцагаў Кадавал і графаў Баста

У непасрэднай блізкасці ад Эвары знаходзяцца:

• Кромлех Алмендрыш (15 км ад горада) - мегалітычны комплекс 5 - 4 тысячагоддзяў да н. э. Знойдзены ў 1964 г.

• 
  Кромлех Алмендрыш

• Анта-Грандэ-ду-Замбужэйру (10 км ад горада) - буйны мегалітычны помнік 4 - 3,5 тысячагоддзяў да н. э.

• 
  Анта-Грандэ-ду-Замбужэйру

Музеі

• Гарадскі музей
• Музей царкоўнага мастацтва

Насельніцтва

Год Колькасць 1801 18 620 1849 16 995 1864 19 708 1878 23 053 1890 25 177 Год Колькасць 1900 25 563 1911 29 880 1920 28 127 1930 35 903 1940 42 683 Год Колькасць 1950 47 387 1960 50 095 1970 47 244 1970 47 244 1981 51 572 Год Колькасць 1991 53 754 2001 56 519 2011 56 596 [1] 2021 53 577

Гарады-пабрацімы

•  Vidigueira^[d], Партугалія^[2]
•  Ангра-ду-Эраіжму, Партугалія (1988)^[2]
•  Востраў Мазамбік, Мазамбік (1997)^[2]
•  Суздаль, Расія (1986)^[2]
•  Сініш^[d], Партугалія^[2]
•  Цёнсберг^[d], Нарвегія^[2]
•  Шартр, Францыя (2003)^[2]