Эльвіра Уладзіміраўна Герман

Эльвіра Уладзіміраўна Герман (нар. 9 студзеня 1997) — беларуская лёгкаатлетка. Спецыялізуецца ў бегу з бар’ерамі. Чэмпіёнка Еўропы (2018). Майстар спорту Беларусі міжнароднага класа.

Эльвіра Герман
Агульная інфармацыя
Пол	жаночы
Поўнае імя	Эльвіра Уладзіміраўна Герман
Спецыялізацыя	100 metres hurdles[d]
Клуб	СК ФПБ
Нарадзілася	9 студзеня 1997(1997-01-09)[1] (28 гадоў) Пінск, Брэсцкая вобласць, Беларусь[2]
Грамадзянства	Беларусь
IAAF	14579406
Узнагароды і медалі Чэмпіянаты Еўропы Золата Берлін 2018 100 м з/б Летнія юнацкія Алімпійскія гульні Срэбра Нанкін 2014 100 м з/б Чэмпіянат Еўропы сярод юніёраў Золата Эскільстуна 2015 100 м з/б Чэмпіянаты свету сярод юніёраў Золата Быдгашч 2016 100 м з/б Чэмпіянаты Еўропы сярод моладзі Золата Быдгашч 2017 100 м з/б Дзяржаўныя і ведамасныя ўзнагароды
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Герман.

Дасягненні

Сярэбраная прызёрка летніх юнацкіх Алімпійскіх гульняў 2014 года ў Нанкіне ў бегу на 100 метраў з бар’ерамі з вынікам 13,38.

Чэмпіёнка Еўропы сярод юніёраў 2015 года ў Эскільстуне ў бегу на 100 метраў з бар’ерамі з вынікам 13,15.

Чэмпіёнка свету сярод юніёраў 2016 года ў Быдгашчы ў бегу на 100 метраў з бар’ерамі з вынікам 12,85^[3].

13 мая 2018 ў французскім Манжэроне прабегла 100 метраў з бар’ерамі за 12,73 сек., устанавіўшы асабісты рэкорд^[4]. 9 жніўня 2018 Эльвіра Герман стала чэмпіёнкай Еўропы ў бегу на 100 м з бар’ерамі, у фінале кантынентальнага форуму ў Берліне беларуска паказала вынік 12,67 сек, у фінішным створы апярэдзіўшы дзвюх саперніц з Германіі^[5], таксама яна ўстанавіла нацыянальны рэкорд (U-23).

Эльвіра Герман — уладальніца звання «Узыходзячая зорка» 2018 года па версіі Еўрапейскай лёгкаатлетычнай асацыяцыі. Таксама яна з’яўляецца самай маладой спартсменкай, якой удалося стаць чэмпіёнкай Еўропы ў бегу на 100 метраў з бар’ерамі за ўсю гісторыю кантынентальных спаборніцтваў^[6].

Асноўныя вынікі

Год	Турнір	Месца правядзення	Дысцыпліна	Месца	Вынік
2014	летнія юнацкія Алімпійскія гульні 2014	Нанкін, Кітай	100 м з/б	2 !	13,38
2015	Чэмпіянат Еўропы сярод юніёраў	Эскільстуна, Швецыя	100 м з/б	1 !	13,15
2016	Чэмпіянат Еўропы	Амстэрдам, Нідэрланды	100 м з/б	16-е (1/2)	13,18
	Чэмпіянат свету сярод юніёраў	Быдгашч, Польшча	100 м з/б	1 !	12,85 CR
2017	Чэмпіянат Еўропы ў памяшканні	Бялград, Сербія	60 м з/б	11-е (1/2)	8,57
	Чэмпіянат Еўропы сярод моладзі	Быдгашч, Польшча	100 м з/б	2 !	12,95
	Чэмпіянат свету	Лондан, Вялікабрытанія	100 м з/б	19-е (1/2)	13,16
	Летняя Універсіяда	Тайбэй, Тайвань	100 м з/б	2 !	13,17
2018	Чэмпіянат свету ў памяшканні	Бірмінгем, Вялікабрытанія	60 м з/б	10-е	8,06
	Чэмпіянат Еўропы	Берлін, Германія	100 м з/б	1 !	12,67
2019	Чэмпіянат Еўропы ў памяшканні	Глазга, Вялікабрытанія	60 м з/б	3 !	8,00

Грамадская дзейнасць

18 жніўня падпісала адкрыты ліст прадстаўнікоў спартыўнай галіны Рэспублікі Беларусь з патрабаваннем прызнаць несапраўднымі выбары прэзідэнта Рэспублікі Беларусь, якія прайшлі 9 жніўня 2020 года^[7]. 27 жніўня, на сустрэчы з кіраўніцтвам Міністэрства спорту і турызму Рэспублікі Беларусь, бар’ерыстка заявіла, што гатовая змяніць спартыўнае грамадзянства, калі яе будуць прэсаваць.

Зноскі

1. World Athletics database Праверана 3 мая 2021.

   <a href='https://wikidata.org/wiki/Track:Q54960205'></a>
2. http://noc.by/ii-evropeyskie-igry/team/ — Национальный олимпийский комитет Республики Беларусь.

   <a href='https://wikidata.org/wiki/Track:Q2570268'></a><a href='https://wikidata.org/wiki/Track:Q64869419'></a>
3. Списочный состав национальной и сборной команды Республики Беларусь по лёгкой атлетике на 2017 год Архівавана 15 лютага 2017.
4. zviazda.by
5. zviazda.by
6. zviazda.by
7. «Требуем признать выборы недействительными». Более 900 спортсменов и работников отрасли подписались под открытым письмом с требованиями к власти Архівавана 20 жніўня 2020. (руск.)