Эсек’ель Гарай

Эсек’ель Марсела Гарай Гансалес (ісп.: Ezequiel Marcelo Garay González; нар. 10 кастрычніка 1986, Расарыа, Аргенціна) — аргенцінскі футбаліст, абаронца. Ігрок нацыянальнай зборнай Аргенціны (2007—2015). Алімпійскі чэмпіён 2008 года.

Эсек’ель Гарай
Агульная інфармацыя
Поўнае імя	Эсек’ель Марсела Гарай
Мянушка	Negro[1]
Нарадзіўся	10 кастрычніка 1986(1986-10-10)[2][3][…] (38 гадоў) Расарыа, дэпартамент Расарыа[d], правінцыя Санта-Фэ, Аргенціна
Грамадзянства	Аргенціна  Іспанія
Рост	189 см
Вага	85 кг
Пазіцыя	абаронца
Клубная кар’ера[* 1]
2004—2005 Ньюэлс Олд Бойз 13 (1) 2005—2008 Расінг (Сантандэр) 60 (12) 2008—2011 Рэал Мадрыд 25 (1) 2008—2009 →  Расінг (Сантандэр) 24 (2) 2012—2014 Бенфіка 78 (9) 2014—2016 Зеніт (СПб) 50 (3) 2016—2020 Валенсія 92 (6)
Нацыянальная зборная[* 2]
2003 Аргенціна (да 17) 6 (2) 2005 Аргенціна (да 20) 2 (0) 2008 Аргенціна (алімп.) 9 (0) 2007—2015 Аргенціна 32 (0)
Узнагароды і медалі
Алімпійскія гульні Золата Пекін 2008 футбол Чэмпіянаты свету Срэбра Бразілія 2014 Кубкі Амерыкі Срэбра Чылі 2015
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 ліпеня 2020. Колькасць гульняў і галоў за нацыянальную зборную ў афіцыйных матчах, адкарэктавана станам на 3 ліпеня 2020
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Гарай.

Клубная кар’ера

Футболам Эсек’ель пачаў занімацца ў клубе з роднага горада Расарыа «Ньюэлс Олд Бойз», за які дэбютаваў у 18 гадоў у хатнім матчы супраць клуба «Хімнасія і Эсгрыма».

У снежні 2005 года Гарай далучыўся да клуба Ла Лігі «Расінг», згуляўшы за каманду 7 поўных матчаў. Клуб з Кантабрыі ў той сезон ледзь пазбег вылету, заняўшы 17 месца. Наступны сезон Гарай згуляў вельмі шыкоўна, гэта значыць у 31 гульні ён забіў 9 галоў, столькі з абаронцаў з буйных еўрапейскіх лігаў забіў у той год толькі абаронца «Інтэра» Марка Матэрацы (9). У гульнях супраць «Рэала» Гарай адзначыўся тройчы: у хатняй перамозе 2:1^[4] і пры гасцявой паразе з лікам 1:3. «Расінг» скончыў чэмпіянат на высокім для сябе 10 месцы.

18 мая 2008 года «Рэал» выкупіў трансфер аргенцінца, аднак даў дазвол адгуляць гульцу ў клубе яшчэ адзін сезон у арэндзе. Сума ўгоды склала каля 10 млн еўра. З лета 2009 года Эсек’ель стаў выступаць за «Рэал». У першым сезоне ён правёў у чэмпіянаце 20 матчаў і дапамог камандзе стаць віцэ-чэмпіёнам Іспаніі, аднак з прыходам улетку 2010 года на трэнерскі масток «сметанковых» Жазэ Маўрынью, Гарай страціў месца ў асноўным складзе.

5 ліпеня 2011 года ігрок перайшоў у партугальскую «Бенфіку» за 5,5 млн еўра, падпісаўшы кантракт на чатыры гады^[5]. Паводле дагавора ў адваротным кірунку адправіўся Фабіу Куэнтран. У пачатку 2014 года рэгулярна хадзілі чуткі пра магчымы пераход Эсек’еля ў склад піцерскага «Зеніту».

25 чэрвеня 2014 года расійскі клуб «Зеніт» падпісаў Гарая, выклаўшы за іграка 15 млн еўра, пры гэтым партугальскі клуб атрымаў толькі 6 млн еўра, гэта значыць 40 % ад сумы. Астатнюю частку сумы атрымаў мадрыдскі «Рэал»^[6].

31 жніўня 2016 года перайшоў у «Валенсію»^[7]. Пакінуў каманду па заканчэнні кантракта ў чэрвені 2020 года^[8].

У ліпені 2021 года, пасля года без клуба, абвясціў аб завяршэнні кар’еры.

Міжнародная кар’ера

Эсек’ель выклікаўся ў склад моладзевай зборнай Аргенціны, яго партнёрамі па той зборнай былі Серхіа Агуэра, Фернанда Гага, Ліянель Месі і іншыя. Гарай дэбютаваў у складзе нацыянальнай зборнай Аргенціны 22 жніўня 2007 года ў таварыскім матчы супраць зборнай Нарвегіі, дзе аргенцінцы саступілі з лікам 1:2.

Дасягненні

Клубныя

«Ньюэлс Олд Бойз»

• Чэмпіён Аргенціны: 2004 (а)

«Рэал»

• Уладальнік Кубка Іспаніі: 2011

«Бенфіка»

• Чэмпіён Партугаліі: 2014
• Уладальнік Кубка Партугаліі: 2014
• Уладальнік Кубка партугальскай лігі (2): 2012, 2014

«Зеніт»

• Чэмпіён Расіі: 2015
• Уладальнік Кубка Расіі: 2016
• Уладальнік Суперкубка Расіі: 2016

«Валенсія»

• Уладальнік Кубка Іспаніі: 2019

Міжнародныя

Аргенціна

• Алімпійскі чэмпіён: 2008