Эхінацэя пурпуровая

Эхінацэ́я пурпуровая^[1] (Echinacea purpurea) — від кветкавых раслін роду Эхінацэя (Echinacea) сямейства Астравыя (Asteraceae).

Эхінацэя пурпуровая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Астракветныя Сямейства:  Астравыя Падсямейства:  Астравыя Трыба:  Heliantheae Род:  Эхінацэя Від:  Эхінацэя пурпуровая
Міжнародная навуковая назва
Echinacea purpurea (L.) Moench, 1794
Сістэматыка на Віківідах Выявы на Вікісховішчы ITIS   37281 NCBI   53751 EOL   467544 GRIN   t:14799 IPNI   1174497-2 TPL   gcc-135149

Батанічнае апісанне

Батанічная ілюстрацыя з часопіса «The Botanical Magazine», vol. 1., no. 2 (1792)

Шматгадовая травяністая расліна вышынёй 90—120^[1] см са стрыжнёвым карэнішчам. Сцябло прамое, разгалінаванае, зялёнага колеру з карычневымі штрыхамі. Лісце простае, суцэльнае. Прыкаранёвае лісце ў разетцы, на доўгіх чаранках, зубчастае па краі, звужанае да чаранка. Сцябловае — сядзячае, чаргаванае, ланцэтнай формы, шурпатае. Суквецце — кошык дыяметра да 5 см і болей. Язычковыя кветкі пурпуровага колеру, трубчастыя — чырвона-карычневыя. Плод — сямянка з чубком.

Распаўсюджанне і экалогія

Расліна паходзіць з Паўночнай Амерыкі. Святлолюбівая расліна, зімаўстойлівая, мезафіт і эўтроф^[2]. Пераносіць лёгкі цень. Цвіце ў ліпені—жніўні. Плады паспяваюць у верасні. Размнажаецца насеннем і дзяленнем карэнішча.

Выкарыстанне

Лекавая і дэкаратыўная расліна.

Сінонімы

• Rudbeckia purpurea L.
• Brauneria purpurea (L.) Britton
• Echinacea intermedia Lindl. ex Paxton
• Echinacea speciosa (Wender.) Paxton
• Helichroa purpurea (L.) Raf.

Зноскі

1. Энцыклапедыя прыроды Беларусі. У 5-і т. Т. 5. Стаўраструм — Яшчур / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1986. — 583 с., іл. — 10 000 экз.
2. Эхинацея пурпурная: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)