Януар Іванавіч Сухадольскі

У Вікіпедыі ёсць артыкулы пра іншых людзей з прозвішчам Сухадольскі.

Януар (Ян) Іванавіч Сухадольскі (польск.: January Suchodolski; 19 верасня 1797, Гродна —20 сакавіка 1875) — беларускі жывапісец-баталіст і ваенны дзеяч.

Януарый Сухадольскі
польск.: January Suchodolski
Дата нараджэння	19 верасня 1797(1797-09-19)
Месца нараджэння	Гродна, Гродзенскі павет, Расійская імперыя
Дата смерці	20 сакавіка 1875(1875-03-20) (77 гадоў)
Месца смерці	Седльцы, Сядлецкая губерня, Варшаўскае генерал-губернатарства, Расійская імперыя
Месца пахавання	Oleksin[d]
Грамадзянства	Расійская імперыя
Бацька	Ян Сухадольскі
Маці	Тэкля з Даўнаровічаў[d]
Жонка	Леакадзія Сухадольская[d]
Род дзейнасці	мастак
Жанр	баталіст
Вучоба	Свіслацкая гімназія Французская акадэмія ў Рыме
Уплыў	Арас Вернэ
Медыяфайлы на Вікісховішчы

Біяграфія

Паходзіў са шляхецкага роду Сухадольскіх герба «Слепаўрон». Сын Яна Сухадольскага і Тэклі з Даўнаровічаў. Брат паэта Райнольда Сухадольскага.

Першыя ўрокі жывапісу браў у польскага мастака А. Брадоўскага. Скончыў Свіслацкую гімназію, Школу ваенных інжынераў у Варшаве, служыў у войску Царства Польскага. Удзельнічаў у руска-іранскай вайне (1826—1828), знаходзіўся пры штабе фельдмаршала І. Паскевіча, на заказ якога стварыў цыкл карцін прысвечаны кампаніі. Удзельнічаў у паўстанні 1830—1831 гадоў, эмігрыраваў, жыў у Рыме. Пасля амністыі вярнуўся на радзіму, дзе жыла сям’я. Па запрашэнні імператара Мікалая I паехаў у Пецярбург, дзе атрымаў заказ на цыкл карцін пра батальныя сцэны руска-французскай вайны 1812 года. Цяпер частка карцін захоўваецца ў карпаратыўнай калекцыі Белгазпрамбанка ў Мінску^[1], ў Гомельскім краязнаўчым музеі (творы, зробленыя на заказ фельдмаршала І. Паскевіча).

«Бітва пад Самасьерай», 1860

Творы

• Узяцце рускімі крэпасці Карс
• Перамога пад Елдавай
• Здача крэпасці Абасабад
• Бітва пад Рашынам (1832)
• Бітва пад Самасьерай (1860)
• Пераход арміі Напалеона праз Бярэзіну (1866)

Зноскі

1. Погорельцы Архівавана 29 жніўня 2021.