Яфім Данілавіч Гапееў

У Вікіпедыі ёсць артыкулы пра іншых людзей з прозвішчам Гапееў.

Яфім Данілавіч Гапееў (8 сакавіка 1908, с. Левенка  (руск.), Старадубскі раён^[1] — 1990, г. Мінск) — адзін з кіраўнікоў партызанскага руху на тэрыторыі Баранавіцкай вобласці ў гады Вялікай Айчыннай вайны^[2].

Яфім Данілавіч Гапееў
Дата нараджэння	8 сакавіка 1908(1908-03-08)
Месца нараджэння	Левенка[d], Старадубскі павет[d], Чарнігаўская губерня, Расійская імперыя
Дата смерці	1990(1990)
Месца смерці	Мінск, Беларуская ССР, СССР
Месца пахавання	Кальварыйскія могілкі
Альма-матар	Рэспубліканская партыйная школа пры ЦК КП(б)Б (1949)
Месца працы	Лідскі гаркам КПБ[d] Дзяржаўны архіў Мінскай вобласці
Грамадзянства	СССР
Прыналежнасць
Бітвы/войны	Вялікая Айчынная вайна
Узнагароды і званні	ганаровы грамадзянін горада Ліда[d]

Біяграфія

Быў селянінам, працаваў на шахтах Данбаса. У 1931—1933 гг. на службе ў Чырвонай Арміі. У 1933—1938 гг. на партыйнай і гаспадарчай рабоце ў Дзяржынску, Мінску, Віцебску. У 1940—1941 гг. — сакратар Воранаўскага райкама партыі Баранавіцкай вобласці БССР.

У першыя дні вайны ўдзельнічаў у абарончых баях у якасці камісара зводнага батальёна народнага апалчэння Гомеля. Быў паранены. У лютым 1942 года быў накіраваны ў тыл гітлераўцаў на тэрыторыю Мінскай вобласці для выканання спецзадання. З сакавіка 1943 года па чэрвень 1944 — камандзір партызанскага злучэння Лідскай зоны^[2].

У 1949 годзе скончыў Рэспубліканскую партыйную школу пры ЦК КП(б)Б^[2].

Пасля вайны — на партыйнай працы^[2]. Працаваў сакратаром Лідскага гаркама партыі, узначальваў Мінскі абласны архіў. Памёр у 1990 годзе, пахаваны на Кальварыйскіх могілках у Мінску.

Узнагароды

Узнагароджаны ордэнамі Чырвонага Сцяга, Суворава ІІ ступені, медалямі «Партызану Айчыннай вайны» І і ІІ ступеняў. Ганаровы грамадзянін горада Ліда (1967)^[2].

Зноскі

1. Бранская вобласць
2. Гапеев Ефим Данилович // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 137. — 737 с.