Яўген Яўстафіевіч Красоўскі

Яўген Яўстафавіч Красоўскі (16 (29) лістапада 1908, Баку — 14 ліпеня 1980, Мінск) — беларускі савецкі мастак, жывапісец і графік.

Яўген Яўстафіевіч Красоўскі
Яўген Красоўскі. «Аўтапартрэт», 1980
Дата нараджэння	16 (29) лістапада 1908
Месца нараджэння	Баку, Бакінскі павет[d], Бакінская губерня, Расійская імперыя
Дата смерці	14 ліпеня 1980(1980-07-14) (71 год)
Месца смерці	Мінск, Беларуская ССР, СССР
Месца пахавання	Паўночныя могілкі
Род дзейнасці	мастак, экслібрысіст
Жанр	тэматычная карціна, партрэт, пейзаж, нацюрморт
Вучоба	Беларускі дзяржаўны мастацкі тэхнікум (1927) Усеўкраінскі мастацкі інстытут (1937)
Мастацкі кірунак	рэалізм
Уплыў	Вячаслаў Мікалаевіч Руцай, Фёдар Адольфавіч Фогт і Міхаіл Георгіевіч Эндэ
Член у	Беларускі саюз мастакоў
Узнагароды
Сайт	ru.krasovsky.belartist.org (руск.) be.krasovsky.belartist.org (бел.)

У Вікіпедыі ёсць артыкулы пра іншых людзей з прозвішчам Красоўскі.

Біяграфія

• 1924—1927 — вучоба і праца ў дэкаратыўна-мастацкай майстэрні Першага беларускага тэатра ў Мінску. Таксама параллельна займаўся жывапісам у студыі на рабфаку^[1]
• 1927—1930 — Віцебскі мастацкі тэхнікум, вучыўся ў В. Руцая, Ф. Фогта, М. Эндэ
• 1930 — пачаў браць удзел у мастацкіх выстаўках
• 1936—1937 — Кіеўскі мастацкі інстытут  (руск.)
• 1940 — ўступіў у Саюз мастакоў БССР
• З 1944 года жыў у Мінску
• 1975 — атрымаў ганаровае званне «Заслужаны работнік культуры Беларускай ССР»

Працаваў у жанрах тэматычнай карціны, партрэта, пейзажа, нацюрморта. Займаўся жывапісам і графікай (акварэль і эстамп). Іспытаў уплыў сацрэалізма.

Сярод найбольш вядомых твораў: партрэты М. Філіповіча, М. Станюты, Б. Платонава, І. Сарокіна, А. Кулакоўскага, пейзажы «Вязынка», «Возера Нарач», «Зіма ў Мінску», нацюрморты «Атрыбуты мінулага», «Вясновыя кветкі» і інш. Таксама вядомы яго графічны аркуш «На аднаўленне Мінска» 1944 года.

Значная частка твораў мастака знаходзіцца ў Нацыянальным мастацкім музеі Беларусі, Музеі сучаснага выяўленчага мастацтва, фондах Беларускага саюза мастакоў і ў прыватных сборах. Вялікую колькасць твораў Яўгена Красоўскага мае ў сваёй калекцыі беларускі мастак Ігар Бархаткоў. Ён з'яўляецца аматарам і прыхільнікам творчасці Яўгена Красоўскага. К 100-годдзю мастака Ігар Бархаткоў падрыхтаваў альбом з рэпрадукцыямі карцін Красоўскага. Аўтарамі тэксту да альбома сталі мастацтвазнаўцы В. Ф. Карамазаў і Алег Ойстрах^[2].

У 1958 годзе ў Мінску адбылася выстаўка твораў Яўгена Красоўскага, прысвечаная 50-годдзю з дня нараджэння і 30-годдзю творчай дзейнасці. Каталог да выстаўкі складаў яго сябра — мастак Мікола Тарасікаў^[3]. У 1977 годзе Яўген Красоўскі выдаў свае ўспаміны аб жыцці і творчасці Міколы Тарасікава.

З 5 па 15 лістапада 2008 года ў мінскай галерэі ЛаСандр—Арт адбылася рэтраспектыўная выстаўка твораў Яўгена Красоўскага. На адкрыцці прысутнічаў сын мастака — Аляксандр Яўгенавіч Красоўскі.

Зноскі

2. Электронный каталог ЦНБ НАН Беларуси Архівавана 27 кастрычніка 2020.
3. Сводны электронны каталог бібліятэк Беларусі