Яўген Кузьміч Казлоў

У Вікіпедыі ёсць артыкулы пра іншых асоб з падобнымі імёнамі, гл. Казлоў і Яўген Казлоў.

Яўген Кузьміч Казлоў (2 жніўня 1937, Магілёў — 1998) — беларускі архітэктар. Заслужаны архітэктар БССР (1985).

Яўген Кузьміч Казлоў
Дата нараджэння	2 жніўня 1937(1937-08-02)
Месца нараджэння	Магілёў, Беларуская ССР, СССР
Дата смерці	1998
Месца смерці	Гомель, Гомельская вобласць, Беларусь
Грамадзянства	Беларусь
Альма-матар	БПІ (1962)
Месца працы	Гомельграмадзянпраект[d]
Партыя	КПСС
Член у	Саюз архітэктараў СССР Беларускі саюз архітэктараў
Узнагароды	Ганаровая грамата Гомельскага аблвыканкама[d]

Біяграфія

Нарадзіўся 2 жніўня 1937 года ў Магілёве. Скончыў у 1962 годзе Беларускі політэхнічны інстытут па спецыяльнасці «Архітэктура»^[1]. З 1962 года працаваў архітэктарам АП-4 у інстытуце «Гомельграмадзянпраекце», з 1963 года — старшым архітэктарам, з 1964 года — кіраўніком групы АП-4, з 1966 года — галоўным архітэктарам праектаў, з 1984 года — намеснікам дырэктара па архітэктуры, а з 1998 года — галоўным архітэктарам інстытута^[2][3].

Член Саюза архітэктараў СССР з 1965 года^[4]. Член рэспубліканскай камісіі Саюза архітэктараў БССР^[3]. Член КПСС з 1985 года.

Пражываў у г. Гомель^[4]. Памёр у 1998 годзе^[2].

Творчасць

Асноўныя работы: забудова мікрараёнаў № 7, 8, 10^[4] жылога раёна «Аэрадром» (1967—1970), мікрараёны № 11 (1978), № 12 (1979, у сааўтарстве)^[1] жылога раёна «Валатава», № 17 (1986, у сааўтарстве), квартала № 35^[1] у Навабеліцы^[2] і Крышталь па вул. Ільіча (1975, у сааўтарстве)^[1], комплекс інтэрнатаў завода «Гомсельмаш» (1977—1983)^[4] у Гомелі; прымаў удзел у праектаванні мікрараёнаў № 2 Рагачова (1981^[4])^[1], № 4 у Рэчыцы^[2], у Светлагорску^[1].

Браў удзел у распрацоўцы генеральных планаў Рэчыцы і Мазыра^[2].

Узнагароды

Узнагароджаны медалём «За доблесную працу. У адзначэнне 100-годдзя з дня нараджэння У. І. Леніна» (1970); Ганаровымі граматамі Вярхоўнага Савета БССР (1979), Гомельскага аблвыканкама. Указам Прэзідыума Вярхоўнага Савета БССР яму прысвоена званне «Заслужаны архітэктар БССР» (1985)^[3].

Зноскі

1. Казлоў Яўген Кузьміч // Архітэктура Беларусі: Энцыклапедычны даведнік / Беларус. Энцыкл.; Рэкал.: А. А. Воінаў і інш. — Мн.: БелЭн, 1993. — 620 с. — 10 000 экз. — ISBN 5-85700-078-5.
2. Козлов Евгений Кузьмич // Гомель — древний и современный. Архитектура и ее создатели : [монография] / И. Г. Малков, И. И. Малков ; М-во образования Респ. Беларусь, Белорус. гос. ун-т трансп.. — Гомель: БелГУТ, 2014. — 70 с. — ISBN 978-985-554-155-5.
3. Козлов Евгений Кузьмич // Кто есть Кто в Республике Беларусь. Архитекторы Беларуси. / Редакционный совет: И. В. Чекалов (пред.) и др. — Минск: Энциклопедикс, 2014. — 140 с. — ISBN 978-985-7090-29-7. (руск.)
4. Козлов Евгений Кузьмич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)