Яўген Уладзіміравіч Мядзько

Яўген Уладзіміравіч Мядзько (30 красавіка 1950, Мінск — 1 снежня 2021) — беларускі архітэктар, мастак-аматар.

Яўген Уладзіміравіч Мядзько
Дата нараджэння	30 красавіка 1950(1950-04-30)
Месца нараджэння	Мінск, Беларуская ССР, СССР
Дата смерці	1 снежня 2021(2021-12-01) (71 год)
Альма-матар	БПІ (1972)
Месца працы	БНТУ
Член у	Саюз архітэктараў СССР Беларускі саюз архітэктараў

Біяграфія

Скончыў Беларускі політэхнічны інстытут у 1972 годзе. З 1972 года — аспірант, асістэнт, старшы выкладчык кафедры архітэктуры жылых і грамадскіх будынкаў Беларускага політэхнічнага інстытута^[1].

Член Саюза архітэктараў СССР з 1977 года. Жыў у Мінску^[1]. Памёр 1 снежня 2021 года праз наступствы хваробы на COVID-19.^[2]

Творчасць

Асноўныя працы: сельскія дамы (1986—1988), інтэр’еры Дома культуры ў Беразіно (1989)^[1], помнікі Францішку Багушэвічу ў Смаргоні (2009, скульптары Леў і Сяргей Гумілеўскія), М. Багдановічу у парку Жылібера ў Гродне (скульптары Леў і Сяргей Гумілеўскія; не рэалізаваны)^[3], помнік Вінцэнту Дуніну-Марцінкевічу і Станіславу Манюшку (2016, скульптары Леў і Сяргей Гумілеўскія)^[4]. Аўтар артыкулаў па пытаннях аўтаматызацыі праектавання. Аўтар карцін у жанры рамантычнага сюррэалізму і гарадскога пейзажу^[1].

Зноскі

1. Медзько Евгений Владимирович // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)
2. https://www.facebook.com/107932770574570/posts/671245010910007/
3. Багдановіч у парку Жылібера № 11 (1034) 17.03.2012 (нявызн.)(недаступная спасылка). Архівавана з першакрыніцы 12 кастрычніка 2022. Праверана 17 ліпеня 2020.
4. У Мінск вярнуліся скульптурнай кампазіцыяй кампазітар Станіслаў Манюшка і драматург Вінцэнт Дунін-Марцінкевіч