Беразіно

Беразіно́^[3] (трансліт.: Bierazino), таксама Бярэзынь^[4] — горад у Беларусі, на рацэ Бярэзіна. Адміністрацыйны цэнтр Бярэзінскага раёна Мінскай вобласці. Месціцца за 101 км ад Мінска, на аўтамабільнай дарозе Мінск—Магілёў.

Горад Беразіно Цэнтральная плошча Сцяг Герб Краіна Беларусь Вобласць Мінская Раён Бярэзінскі Каардынаты 53°50′ пн. ш. 28°59′ у. д.HGЯO Першая згадка 1501 Горад з 1968 Вышыня цэнтра 164 м[1] Насельніцтва ▼11 250 чал. (1 студзеня 2025)[2] Часавы пояс UTC+3 Тэлефонны код +375 1715 Паштовы індэкс 223310 Аўтамабільны код 5 СААТА 6204501000 Беразіно Беразіно

Беразіно на Вікісховішчы

У паняцця ёсць і іншыя значэнні, гл. Беразіно (значэнні).

Гісторыя

Упершыню згадваецца ў 1501 годзе як мястэчка. Пасля адміністрацыйнай рэформы 1560-х гадоў у Менскім павеце Вялікага княства Літоўскага, называлася Ніжнім Беразіном, належала Сапегам; з 1671 года ім валодалі Тышкевічы, Патоцкія. З 1668 года меў прывілей на штотыднёвы торг і штогадовы кірмаш. У Паўночную вайну (1700—1721) каля Беразіна 16—17 ліпеня 1708 года цераз раку Бярэзіна перапраўляўся са сваімі войскамі шведскі кароль Карл XII.

З 1793 года мястэчка Ігуменскага павета. У 1905 годзе адбыліся выступленні працоўных.

З 17 ліпеня 1924 — цэнтр раёна ў Барысаўскай акрузе, 9 чэрвеня 1927 — цэнтр раёна ў Менскай акрузе (да 23 ліпеня 1928), са студзеня 1938 — цэнтр раёна ў Магілёўскай вобласці. З 27 верасня 1938 года — гарадскі пасёлак, з 20 верасня 1944 — цэнтр раёна ў Мінскай вобласці.

З 25 снежня 1962 — раён скасаваны, тэрыторыя ўвайшла ў Чэрвеньскі раён, 6 студзеня 1965 — раён адноўлены. З 7 сакавіка 1968 Беразіно — горад раённага падпарадкавання.

Гістарычная галерэя

• 
  Касцёл, пачатак XX ст.
• 
  Сядзіба Патоцкіх
• 
  Грэка-каталіцкая царква
• 
  Касцельная плошча

Насельніцтва

• 2006 год — 12,9 тыс. чал.;
• 2007 год — 12,8 тыс. чал.;
• 2012 год — 12,0 тыс. чал.;
• 2016 год — 11832 чал.^[5];
• 2017 год — 11698 чал.^[6]

Эканоміка

Прадпрыемствы харчовай, паліўнай, лёгкай прамысловасці. Гасцініца «Беразіно».

Славутасці

• Бярэзінскі сядзібны дом (19 ст.)
• Спаса-Праабражэнская царква (1950-я)
• Мікалаеўская царква
• Касцёл Унебаўзяцця Найсвяцейшай Дзевы Марыі (1644—1914)
• Касцёл Маці Божай Міласэрнасці (пач. XXI ст.)

Вядомыя асобы

Асноўны артыкул: Вядомыя асобы Беразіна

• Марыя Веньямінаўна Бярковіч (1910—1993) — мастак кіно і графік
• Аляксандр Парвус, дзеяч сацыял-дэмакратычнага руху, публіцыст
• Хана Ровіна, савецкая актрыса
• Яўген Сідаровіч, беларускі навуковец у галіне фізіялогіі, экалогіі
• Рыгор Старобінец, беларускі хімік
• Станіслаў Шостак, беларускі і польскі ваенны дзеяч
• Ізраіль Барысавіч Элентух (1913—?) — беларускі гісторык мастацтва і мастацтвазнавец, мастацкі крытык, педагог.
• Дзмітрый Леанідавіч Мірончык (1976) — беларускі дыпламат.
• Іван Раманавіч Пастарнацкі (1848—1887) — доктар, прафесар Варшаўскага ўніверсітэта.

Гл. таксама

• ФК Беразіно