Рак вузкапальцы

Вузкапальцы рак (Astacus leptodyctylus) — від дзесяціногіх ракападобных.

Рак вузкапальцы
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Ракападобныя Клас:  Вышэйшыя ракі Падклас:  Eumalacostraca Надатрад:  Eucarida Атрад:  Дзесяціногія ракападобныя Падатрад:  Pleocyemata Інфраатрад:  Astacidea Надсямейства:  Astacoidea Сямейства:  Astacidae Род:  Рачныя ракі Від:  Рак вузкапальцы
Міжнародная навуковая назва
Astacus leptodactylus Eschscholtz, 1823
Сінонімы
Potamobius leptodactylus
Ахоўны статус
Выклікаюць найменшыя асцярогі IUCN 3.1 Least Concern : / 153745
Выявы на Вікісховішчы ITIS   1133589 NCBI   6717

Апісанне

Даўжыня да 30 см, маса да 150 г. Ад шыракапальцага рака адрозніваецца больш вузкім целам і будовай клюшняў. Цела складаецца з нерасчлянёных галавагрудзей (з 5 парамі хадзільных ног) і падзеленага на 6 сегментаў брушка (з 5 парамі плавальных ножак), укрыта хіцінавым панцырам. Вочы фасетачныя.

Пашырэнне

Паштовая марка Беларусі

Пашыраны ва ўмераных паясах зямнога шара, у тым ліку ў рэках Понта-Каспійскага басейна, Карэліі. На Беларусі трапляецца ў прыбярэжнай палосе рэк і азёр з глеістым дном, найбольш шматлікі ў Віцебскай вобласці. Праз Беларусь, Літву, Польшчу праходзіць мяжа стыкавання арэалаў шыракапальцага і вузкапальцага ракаў.

Асаблівасці біялогіі

Актыўны днём і ўночы. Зімуе ў глыбокіх мясцінах у натуральных сховішчах. Адчувальны да забруджвання вады. Корміцца пераважна воднай расліннасцю і жывёльным кормам (у тым ліку трупамі).

Ад шыракапальцага рака адрозніваецца большай рухомасцю, вынослівасцю і пладавітасцю, трапляецца часцей, паступова яго выцясняе.

Полавая спеласць у 3—4 гады пры даўжыні 10,5—11,5 см. Плоднасць да 300 ікрынак. Малькі вылупліваюцца ў пачатку лета. Пры росце рак некалькі разоў ліняе. Жыве 10—12 гадоў.

Промысел

Ядомы. Аб’ект промыслу.

Літаратура

• Хмялёва Н. М. Вузкапальцы рак // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.