Кізільнік бліскучы

Кізі́льнік бліскучы^[1] (Cotoneaster lucidus) — від кветкавых раслін роду Кізільнік (Cotoneaster) сямейства Ружавыя (Rosaceae).

Кізільнік бліскучы
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Ружавыя Падсямейства:  Слівавыя Трыба:  Яблыневыя Род:  Кізільнік Від:  Кізільнік бліскучы
Міжнародная навуковая назва
Cotoneaster lucidus Schltdl., 1856
Сінонімы
Cotoneaster acutifolius Lindl. ex Ledeb. Cotoneaster acutifolius var. typicus Zabel
Сістэматыка на Віківідах Выявы на Вікісховішчы ITIS   565100 EOL   630451 GRIN   t:11759 IPNI   722565-1 TPL   rjp-838

Батанічнае апісанне

Плады

Лістападны куст вышынёй да 2^[1] м з густым лісцем. Лісце чаргаванае, густое, эліпсоіднай або яйцападобнай формы, зверху бліскучае і цёмна-зялёнае, знізу — святлейшае, жаўтаватае, пурпуровае ўвосень. Кветкі пурпуровыя, па 3—8 у шчыткападобных суквеццях^[1]. Пялёсткаў — 5. Плады — бліскучыя яблыкі чорнага колеру.

Распаўсюджанне і экалогія

Распаўсюджаны ва Усходняй Сібіры і Кітаі. Святлолюбівая і ценевынослівая расліна^[2]. Мезафіт і мезатроф^[2]. Расце ў стэпах, на ўзлесках і палянах, камяністых россыпах, у парках і садах, каля дарог. Цвіце ў чэрвені—жніўні^[1]. Плады паспяваюць у жніўні—верасні^[1].

Ахоўваецца на тэрыторыі Бураціі і Іркуцкай вобласці Расіі^[2].

Зноскі

1. Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.
2. Кизильник блестящий: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)