Наперстаўка

Наперстаўка^[1][2] (Digitális) — род травяністых раслін, які належыць, па сістэме класіфікацыі APG II, да сямейства трыпутнікавыя (Plantaginaceae). Раней, у сістэме класіфікацыі Кронквіста, расліну адносілі да сямейства залознікавыя (Scrophulariaceae).

Наперстаўка
Наперстаўка пурпуровая (Digitalis purpurea)  — тыпавы від рода Наперстаўка
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ясноткакветныя Сямейства:  Трыпутнікавыя Трыба:  Digitalideae Род:  Наперстаўка
Міжнародная навуковая назва
Digitalis L., (1753)
Тыпавы від
Наперстаўка пурпуровая (Digitalis purpurea)
Сістэматыка на Віківідах Выявы на Вікісховішчы ITIS   33582 NCBI   4163 EOL   47153690 GRIN   g:3699 IPNI   37596

Батанічнае апісанне

Двухгадовыя і шматгадовыя травяністыя расліны, зрэдку кусты і паўкусты. Сцёблы прамыя, не разгалінаваныя. Лісце суцэльнае, чаргаванае. Кветкі пераважна буйныя, жаўтаватага, пурпуровага, рудаватага колеру, сабраныя ў густыя верхавінкавыя гронкападобныя суквецці. Плод — каробачка.

Арэал

На тэрыторыі Беларусі ў дзікай прыродзе трапляецца 2 віды^[3]:

• Digitalis grandiflora Mill. — Наперстаўка буйнакветная, ці Наперстаўка няпэўная
• Digitalis purpurea L. — Наперстаўка пурпуровая

Віды

Паводле GRIN у родзе 11 відаў:^[4]

• Digitalis ferruginea L. — Паўднёвае і Усходняе Закаўказзе, Міжземнамор’е, Турцыя
• Digitalis grandiflora Mill. — Наперстаўка буйнакветная, ці Наперстаўка няпэўная [syn. Digitalis ambigua Murray] — еўрапейская частка Расіі, Паўднёва-Заходняя Сібір, Заходняя Еўропа, Міжземнамор'е
• Digitalis laevigata Waldst. & Kit.
• Digitalis lanata Ehrh. — Венгрыя і Паўднёвая Еўропа, Малдова, Заходняя Украіна

• 
  Digitalis ferruginea
• 
  Digitalis grandiflora
• 
  Digitalis laevigata
• 
  Digitalis lanata

• Digitalis lutea L. — паўднёвы захад і цэнтр Еўропы^[5]
• Digitalis mariana Boiss.
• Digitalis nervosa Steud. & Hochst. ex Benth. — Паўночны Іран, Арменія і Азербайджан
• Digitalis obscura L.

• 
  Digitalis lutea
• 
  Digitalis mariana
• 
  Digitalis obscura

• Digitalis parviflora Jacq.
• Digitalis purpurea L. typus — Наперстаўка пурпуровая — Заходняя, Цэнтральная і Паўднёвая Еўропа, Марока
  • Digitalis purpurea subsp. purpurea [syn. Digitalis nevadensis Kunze] — Партугалія
• Digitalis thapsi L.
• Digitalis viridiflora Lindl.

• 
  Digitalis parviflora
• 
  Digitalis purpurea
• 
  Digitalis thapsi

Значэнне

Дэкаратыўныя і лекавыя расліны. Дыгіталіс, вылучаны з наперстаўкі, доўгі час заставаўся адзіным і незаменным прэпаратам для лячэння хранічнай сардэчнай недастатковасці, у той жа час пры перадазіроўкі ён з'яўляецца небяспечным ядам.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 46. — 160 с. — 2 350 экз.
2. Напісанне Наперстаўка ў адпаведнасці з БЭ ў 18 тамах., Т. 11. Мн., 2000, С. 143/
3. База Растения Беларуси (нявызн.)(недаступная спасылка). Архівавана з першакрыніцы 6 сакавіка 2016. Праверана 13 студзеня 2012.
4. Паводле сайта GRIN. Гл. картку расліны
5. onego.ru (Праверана 29 студзеня 2010)