Git

Git (Гіт)^[8] — гэта размеркаваная сістэма кіравання версіямі файлаў. Яна часта выкарыстоўваецца для кіравання версіямі зыходнага кода праграм падчас распрацоўкі.

Git
Тып	размеркаваная сістэма кіравання версіямі[d], open science tool[d], programming tool[d] і filestore[d]
Аўтар	Лінус Торвальдс[1]
Распрацоўшчык	Software Freedom Conservancy[d][2]
Напісана на	C[3][4], Perl, Tcl[d], Python, C++ і Rust
Аперацыйная сістэма	кросплатформавасць[d]
Мовы інтэрфейсу	англійская, балгарская мова, каталанская мова, французская, інданезійская мова, шведская мова, турэцкая мова, украінская, в'етнамская мова, спрошчаная кітайская[d] і Mandarin with Taiwan Hokkien accent[d]
Першы выпуск	8 красавіка 2005[5]
Апошняя версія	2.50.0 (16 чэрвеня 2025)[6]
Ліцэнзія	GNU General Public License, version 2.0[d][7]
Сайт	git-scm.com (англ.)
Медыяфайлы на Вікісховішчы

Як і большасць размеркаваных сістэм кіравання версіямі Git падтрымлівае лакальную копію ўсяго сховішча з магчымасцямі адсочвання гісторыі і версій, незалежна ад доступу да сеткі або цэнтральнага сервера. Копія файлаў захоўваецца на кожным камп’ютары ў стандартным каталогу разам з дадатковымі схаванымі файламі, якія забяспечваюць функцыянал кіравання версіямі.^[9] Git мае функцыі для сінхранізацыі змяненняў паміж копіямі, у тым ліку сінхранізацыі з копіяй на цэнтральным серверы.

Git з’яўляецца свабоднай праграмай з адкрытым зыходным кодам, распаўсюджваецца па ліцэнзіі GPL-2.0.

Сістэма была створана Лінусам Торвальдсам для кіравання версіямі кода ядра Linux.^[10]

Git дэ-факта з’яўляецца стандартам пры выбары сістэмы кіравання версіямі для распрацоўкі праграм. У 2022 годзе амаль 95 % распрацоўшчыкаў паведамлялі, што Git з’яўляецца іх асноўнай сістэмай кіравання версіямі.^[11]

Існуе вялікая колькасць сэрвісаў, якія прапануюць функцыянал цэнтральнага сховішча Git, сярод іх GitHub, SourceForge, Bitbucket і GitLab.^{[12][13][14][15][16]}