Крэветка ўсходняя субтрапічная рачная

Крэветка ўсходняя субтрапічная рачная (Macrobrachium nipponense) — від прэснаводных крэветак.

Крэветка ўсходняя субтрапічная рачная
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Panarthropoda Тып:  Членістаногія Падтып:  Ракападобныя Клас:  Вышэйшыя ракі Падклас:  Eumalacostraca Надатрад:  Eucarida Атрад:  Дзесяціногія ракападобныя Падатрад:  Pleocyemata Інфраатрад:  Крэветкі Надсямейства:  Palaemonoidea Сямейства:  Palaemonidae Род:  Macrobrachium Від:  Крэветка ўсходняя субтрапічная рачная
Міжнародная навуковая назва
Macrobrachium nipponense De Haan, 1849
Сістэматыка на Віківідах Выявы на Вікісховішчы ITIS   96379 NCBI   159736 EOL   1022089

Апісанне

Цела (даўжыня да 10 см, маса да 12 г) і рострум (галаўны шып) звычайна сплюшчаныя з бакоў. Брушка не падагнутае пад галавагрудзі. Мае па 5 пар грудных і брушных (плавальных) ног і хваставы веер, які таксама ўдзельнічае ў плаванні.

Пашырэнне

Радзіма Усходняя і Паўднёва-Усходняя Азія. Акліматызавана ў іншых рэгіёнах. У 1982 годзе выпушчана ў ахаладжальныя вадаёмы Бярозаўскай ДРЭС, дзе акліматызавалася і размножылася.

Асаблівасці біялогіі

Раздзельнаполая. Аптымальная тэмпература для размнажэння вышэйшая за 25 °C. Плоднасць ад 400 да 5000 яец. Развіццё з метамарфозай. Яйцы выношвае на плавальных ножках. За год дае 4—5 патомстваў. Працягласць жыцця каля 2,5 гадоў.

Перапрацоўвае донныя адклады і ачышчае вадаёмы.

Літаратура

• Хмялёва Н. М. Крэветкі // Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — 588 с., іл. — 10 000 экз.