Стальнік

Стальнік, Ваўчук^[1][2] (Ononis) — род кветкавых раслін з падсямейства Матыльковыя (Faboideae) сямейства Бабовыя (Fabaceae).

Стальнік
Ononis spinosa
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Бабовакветныя Сямейства:  Бабовыя Падсямейства:  Матыльковыя Трыба:  Trifolieae Род:  Стальнік
Міжнародная навуковая назва
Ononis L., Sp. Pl. 2: 716 (1753)
Сінонімы
Bugranopsis Pomel Passaea Adans.
Сістэматыка на Віківідах Выявы на Вікісховішчы ITIS   26811 NCBI   58889 EOL   27875 GRIN   g:8470 IPNI   23071-1

Батанічнае апісанне

Аднагадовыя або шматгадовыя травы, паўкусты або кусты. Сцяблы прамастойныя, узыходныя або сцелюцца, часам з калючкамі. Лісце простае або трайчастае, чаргаванае, з прылісткамі. Кветкі ў верхавінкавых коласападобных суквеццях або па 1—2 у пазухах лісця. Колер кветак белаваты, жоўты ці пурпуровы. Пялёсткаў 5. Плод — боб.

Арэал і экалогія

Расліны роду сустракаюцца пераважна ў міжземнаморскіх абласцях, Заходняй Азіі і Паўночнай Афрыцы^[2], менш распаўсюджаны ў паўночнай і паўднёвай Еўропе. На тэрыторыі Беларусі 1 від — стальнік палявы (Ononis arvensis).

Віды

Усяго налічваецца каля 70—75 відаў стальніку. Паводле сайта The Plant List — 69 відаў.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 89. — 160 с. — 2 350 экз.
2. Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15.