Смалёўка зеленаватая

Смалёўка зеленаватая^[1] (Silene chlorantha) — від кветкавых раслін роду Смалёўка (Silene) сямейства Гваздзіковыя (Caryophyllaceae).

Смалёўка зеленаватая
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Гваздзіковыя Падсямейства:  Caryophylloideae Трыба:  Sileneae Род:  Смалёўка Падрод:  Silene Секцыя:  Sclerocalycinae Від:  Смалёўка зеленаватая
Міжнародная навуковая назва
Silene chlorantha (Willd.) Ehrh., 1792
Сістэматыка на Віківідах Выявы на Вікісховішчы ITIS   507172 NCBI   685561 EOL   483084 IPNI   157074-1 TPL   kew-2485607

Апісанне

Шматгадовая травяністая расліна, 30—80 см вышынёй. Сцёблы адзінкавыя, негалінаваныя, голыя. Прыкаранёвае лісце ланцэтнае, на доўгіх хвосціках, з выразнай сярэдняй жылкай; сцябловае лісце да верхавіны ўсё меншае, ад ланцэтнага да лінейнага. Суквецце вузка-мяцёлкавае, рэдкае; кветкі на тонкіх ніткападобных кветаножках, размешчаны на восі, радзей на кароткіх галінках. Прыкветкі плёнкавыя, бураватыя, па баках з рэдкімі вейчыкамі. Чашачка вузка цыліндрычная, пры плодзе булавападобная, голая, бледная, з зялёнымі жылкамі, часам злёгку пурпурна афарбаваная. Пялёсткі зеленаватыя, амаль да асновы падзеленыя на лінейныя долі. Каробачка авальная, ≈ 8 мм даўжынёй, на кароткай (2 мм) ножцы^[2].

Распаўсюджанне

Від распаўсюджаны ў Цэнтральнай і Усходняй Еўропе і ўмеранай Азіі^[3][4].

Ва Украіне від расце на травяністых схілах, у светлых месцах — на ўсёй тэрыторыі, звычайны.