Symbian OS

Symbian OS (МФА: [ˈsɪmbɪən ˌəʊ ˌɛs]) — гэта аперацыйная сістэма для сотавых тэлефонаў, смартфонаў і камунікатараў, якая распрацоўвалася кансорцыумам Symbian, заснаваным у чэрвені 1998 года кампаніямі Psion, Nokia, Ericsson і Motorola. Пазней да кансорцыума далучыліся кампаніі: Sony Ericsson, Siemens, Panasonic, Fujitsu, Samsung, Sony, Sharp і Sanyo.

Распрацоўшчык	Nokia
Сямейства АС	Symbian
Першы выпуск	5 чэрвеня 1998
Апошняя версія	Symbian Refresh (Feature pack 1) — 27 жніўня 2012 года
Падтрымлівае платформы	ARM[d] і X86
Тып ядра	Рэальнага часу (Мікраядро)
Ліцэнзія	Адкрытае (для бізнесу[1]) праграмнае забеспячэнне
Стан	Актуальная
Вэб-сайт	symbian.nokia.com
Медыяфайлы на Вікісховішчы

24 чэрвеня 2008 года кампаніі Nokia, Sony Ericsson, Motorola і NTT DOCOMO афіцыйна заявілі аб аб’яднанні Symbian OS, S60, UIQ і MOAP(S) з мэтай стварэння адзінай адкрытай мабільнай платформы. Разам з кампаніямі AT&T, LG Electronics, Samsung Electronics, STMicroelectronics, Texas Instruments і Vodafone была створана некамерцыйная арганізацыя Symbian Foundation. Nokia анансавала куплю астатніх акцый Symbian Ltd., пасля чаго стала б магчымай перадача зыходных кодаў сістэмы членам Symbian Foundation^[2]. Гэты крок павінен быў спрыяць прасоўванню Symbian OS на рынку мабільных сістэм.

У 2010 годзе Symbian хутка саступаў па папулярнасці iOS і Android. Генеральны дырэктар Nokia Стывен Элап 11 лютага 2011 года абвясціў аб партнёрстве з Microsoft, у рамках якога Nokia павінна была пачаць выкарыстоўваць Windows Phone у якасці асноўнай платформы для сваіх смартфонаў, а Symbian пры гэтым паступова выходзіла б з ужытку. У выніку доля Symbian на рынку значна ўпала.

Nokia спыніла падтрымку праграм для Symbian з 1 студзеня 2014 года.

Статыстыка

Суадносіны смартфонаў з рознымі аперацыйнымі сістэмамі. Люты 2010^{[3][4][5][6][7][8]}.

Платформа	4 кв. 2011 г.	4 кв. 2010 г.	3 кв. 2010 г.	4 кв. 2009 г.	3 кв. 2009 г.	4 кв. 2008 г.	4 кв. 2007 г.	3 кв. 2006 г.	3 кв. 2005 г.
Symbian OS	11,7 %	32,3 %	36,6 %	47,2 %	44,6 %	52,4 %	62,3 %	72,8 %	59,7 %
RIM (BlackBerry OS)	8,8 %	14,6 %	14,8 %	20,8 %	20,7 %	16,5 %	10,9 %	2,8 %	1,5 %
Apple (iOS)	23,8 %	15,8 %	16,7 %	15,1 %	17,1 %	9,6 %	5,2 %	-	-
Microsoft (Windows Mobile, Windows Phone)	1,9 %	3,4 %	2,8 %	8,8 %	7,9 %	13,9 %	11,9 %	5,6 %	2,2 %
Google (Android)	50,9 %	30,5 %	25,5 %	4,7 %	3,5 %	0,5 %	-	-	-
Іншыя (PalmOS, Maemo, Openmoko, LiMo)	0,8 %	1,5 %	3,6 %	3,4 %	6,2 %	7,2 %	9,6 %	18,8	36,6 %

Гл. таксама

• EPOC
• Смартфон
• Symbian S60
• UIQ
• Commwarrior-A

Зноскі

1. Nokia робіць Symbian зачыненым праектам // opennet.ru 6.04.2011
2. Symbian Foundation announcement (англ.)(недаступная спасылка). Архівавана з першакрыніцы 26 чэрвеня 2008. Праверана 23 кастрычніка 2008.
3. Worldwide smartphone market by OS vendor (англ.)(недаступная спасылка). Архівавана з першакрыніцы 30 ліпеня 2013. Праверана 8 лютага.
4. Symbian. Fast facts (англ.)(недаступная спасылка). Архівавана з першакрыніцы 18 сакавіка 2006. Праверана 23 кастрычніка.
5. Smartphone market (англ.). Архівавана з першакрыніцы 8 снежня 2012. Праверана 23 кастрычніка.
6. Smartphone market 2 (англ.). Архівавана з першакрыніцы 8 лютага 2012. Праверана 21 верасня 2012.
7. Gartner Says Worldwide Mobile Phone Sales Grew 35 Percent in Third Quarter 2010; Smartphone Sales Increased 96 Percent (англ.)(недаступная спасылка). Архівавана з першакрыніцы 8 лютага 2012. Праверана 21 верасня 2012.
8. Gartner Says Worldwide Smartphone Sales Soared in Fourth Quarter of 2011 With 47 Percent Growth Архівавана 28 студзеня 2013.