Іпаліт Сільвестравіч Канановіч

У Вікіпедыі ёсць артыкулы пра іншых людзей з прозвішчам Канановіч.

Іпалі́т Сільве́стравіч Канано́віч (21 красавіка 1908, в. Кукавічы Мінскай губерні (цяпер Капыльскі раён Мінскай вобласці), Расійская імперыя — 29 кастрычніка 1974^[1] — савецкі беларускі дзяржаўны дзеяч, старшыня Гродзенскага абласнога выканаўчага камітэта (1951—1961), ганаровы грамадзянін Слуцка. Член УКП(б)^[1].

Іпаліт Сільвестравіч Канановіч
Старшыня Гродзенскага аблвыканкама 18 кастрычніка 1951 — 6 кастрычніка 1961
Кіраўнік урада	Аляксей Кляшчоў Кірыл Мазураў Мікалай Аўхімовіч Ціхан Кісялёў
Папярэднік	Фёдар Ляхаў
Пераемнік	Мікалай Малочка
Нараджэнне	21 красавіка (4 мая) 1908 Кукавічы, Слуцкі павет, Мінская губерня, Расійская імперыя
Смерць	29 кастрычніка 1974(1974-10-29) (66 гадоў) Мінск, Беларуская ССР, СССР
Партыя	УКП(б) (з 1931)[1]
Адукацыя	Вышэйшая партыйна школа пры ЦК КПСС (завочна, 1953)
Бітвы	Вялікая Айчынная вайна
Узнагароды

Біяграфія

У 1930 — 1935 гадах на службе ў РСЧА.

З 1935 года на савецкай і партыйнай рабоце.

З'яўляўся адным з кіраўнікоў партызанскага руху ў Мінскай вобласці ў перыяд Вялікай Айчыннай вайны. У 1943—1944 гадах — сакратар падпольнага Слуцкага райкама КПБ(б) Б, камісар партызанскай брыгады імя В. П. Чкалова.

Пасля вайны працаваў сакратаром Слуцкага райкама КП(б) Б. У 1948—1950 гадах працуе сакратаром Бабруйскага абкама партыі. З гэтай пасады быў рэкамендаваны ў 1951 годзе для працы старшынёй Гродзенскага аблвыканкама.

З 1961 па 1963 гады быў намеснікам старшыні Камісіі дзяржаўнага кантролю Савета Міністраў Беларускай ССР. З 1963 года — сакратар Беларускага рэспубліканскага Савета прафсаюзаў, а затым старшыня Беларускага рэспубліканскага прафсаюза рабочых і служачых сельскай гаспадаркі і нарыхтовак.

Член ЦК КПБ, неаднаразова абіраўся дэпутатам Вярхоўнага Савета БССР і Вярхоўнага Савета СССР^[2].

Ушанаванне памяці

Ганаровы грамадзянін г. Слуцка. У Слуцке адна з вуліц носіць імя Іпаліта Канановіча^[2].

Зноскі

1. Справочник по истории Коммунистической партии и Советского Союза 1898 - 1991 (руск.)
2. «Наследие слуцкого края»