Адэля Лаўрэнцьеўна Анісовіч

У Вікіпедыі ёсць артыкулы пра іншых людзей з прозвішчам Анісовіч.

У Вікіпедыі ёсць артыкулы пра іншых людзей з прозвішчам Сянкевіч.

Адэля (Адэлія) Лаўрэнцьеўна Анісовіч (у дзявоцтве Сянкевіч^[1]; 9 (22) верасня 1911, Мінск — 12 студзеня 1991(1991-01-12)) — беларуская мастачка дэкаратыўна-прыкладнога мастацтва.

Адэля Лаўрэнцьеўна Анісовіч
Дата нараджэння	9 (22) верасня 1911
Месца нараджэння	Мінск, Мінскі павет, Мінская губерня, Расійская імперыя
Дата смерці	12 студзеня 1991(1991-01-12) (79 гадоў)
Жонка	Феафіл Іванавіч Анісовіч
Род дзейнасці	мастак-дэкаратар
Месца працы	Белмясцпрампраект
Вучоба	БДПУ
Уплыў	Валянцін Віктаравіч Волкаў
Член у	Беларускі саюз мастакоў
Узнагароды

Біяграфія

Нарадзілася 9 (22) верасня 1911^[2] года ў Мінску^[3][1]. Скончыла ў 1932 годзе Мінскі педагагічны інстытут і ў 1941 годзе мастацкую студыю рабочай моладзі пры Саюзе мастакоў БССР, вучылася ў В. Волкава. Удзельніца мастацкіх выставак з 1936 года^[2].

Працавала ў галіне дэкаратыўна-прыкладнога мастацтва. У 1945—1960 гадах старшы мастак эксперыментальна-мастацкай лабараторыі інстытута «Белмясцпрампраект»^[2].

Член Беларускага саюза мастакоў з 1966 года^[2].

Памерла 12 студзеня 1991 года^[3].

Творчасць

Асноўныя творы: сувенірныя мастацкія вырабы, святочны габелен-абрус «Аднаўленне народнай гаспадаркі», габелен «Беларусь весяліцца», паясы і закладкі для кніг, парцьеры, дэкаратыўныя пласты «Стары Мінск», фаянсавая талерка «Новы Мінск». Прымала ўдзел у стварэнні альбома «Беларускі народны арнамент»^[2].

Творы знаходзяцца ў Нацыянальным мастацкім музеі Беларусі^[2].

Узнагароды

Узнагароджана бронзавым медалём ВДНГ СССР (1968)^[2].

Сям'я

Верагодна, была ў шлюбе з мастаком Феафілам Анісовічам (1911—1988).