Антон Дзмітрыевіч Абрамовіч

У Вікіпедыі ёсць артыкулы пра іншых людзей з прозвішчам Абрамовіч.

Антон Абрамовіч (нар. 27 красавіка 1999, Мінск) — беларускі футбаліст, паўабаронца.

Антон Абрамовіч
Поўнае імя	Антон Дзмітрыевіч Абрамовіч
Нарадзіўся	27 красавіка 1999(1999-04-27)[1] (26 гадоў) Мінск, Беларусь
Грамадзянства	Беларусь
Рост	175 см
Вага	60 кг
Пазіцыя	паўабаронца
Клубная кар’ера[* 1]
2016—2020 БАТЭ (Барысаў) 0 (0) 2020 →  Арсенал (Дзяржынск) 16 (2) 2020—2022 Арсенал (Дзяржынск) 44 (2)
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 3 красавіка 2023.

Клубная кар’ера

Выхаванец барысаўскага БАТЭ, у 2015 годзе выступаў за клуб у Юніёрскай лізе УЕФА, з 2016 года пачаў прыцягвацца да дубля, дзе замацаваўся на наступны год. У 2019 годзе разам з БАТЭ выйграў першынство дублёраў, таксама стаў прыцягвацца да кубкавых матчаў асноўнай каманды. Дэбютаваў за асноўны склад БАТЭ 26 чэрвеня 2019 года ў матчы Кубка Беларусі супраць рэчыцкага «Спадарожніка» (5:2), калі выйшаў на замену ў другім тайме.

У лютым 2020 года разам з шэрагам іншых дублёраў барысаўчан быў аддадзены ў арэнду ў дзяржынскі «Арсенал»^[2], дзе чаргаваў выхады ў стартавым складзе і на замену. У кастрычніку 2020 быў выкуплены «Арсеналам» і стаў іграком клуба на трывалай аснове. Па выніках сезона 2021 дапамог «Арсеналу» выйсці ў Вышэйшую лігу. Дэбютаваў у Вышэйшай лізе 20 сакавіка 2022 года ў матчы першага тура супраць «Гомеля» (1:2), калі выйшаў у стартавым складзе і быў заменены ў другім тайме. У далейшым чаргаваў выхады ў стартавым складзе і на замену, а з ліпеня пераважна заставаўся на лаўцы запасных. Па заканчэнні сезона 2022 пакінуў дзяржынскі клуб.

Дасягненні

• Пераможца Першай лігі чэмпіянату Беларусі: 2021

Статыстыка выступленняў

Сезон	Дывізіён	Клуб	Краіна	Матчы	Галы
2016	дубль	БАТЭ		1	0
2017	дубль	БАТЭ		17	3
2018	дубль	БАТЭ		20	2
2019	дубль	БАТЭ		27	4
2020	Д2	Арсенал		20	2
2021	Д2	Арсенал		28	2
2022	Д1	Арсенал		12	0